Ŵeruzgi 6:34 - Tonga Bible 1986

³⁴ Kweni mzimu wa Ambuya unguja mwaku Gideoni, ndipo wangumba mbata, waAbiezere; ŵangudanika kuti ŵamurondo.

Ŵeruzgi 6:34 ပူးပေါင်းရင်းမြစ်များ

1 Mikoka 12:18

Penipo Mzimu unguza kwaku Amasai mura waku ŵa machumi ghatatu ndipo wanguti, “Te winu, A Davidi; ndi tekumoza nawe, mwana waku Jese! Chimangu, chimangu kwaku imwe, ndi chimangu ku ŵavwiri ŵinu! Chifukwa Chiuta winu watukovyani”. Ndipo Davidi wanguŵaronde ndi kuŵaŵika kuŵa ŵarongozgi ŵa maŵanja gha ŵankhondo ŵake.

1 Mikoka 12:19

Ŵanyake ŵa ŵina Manase ŵanguthaŵa kwaku Davidi po wanguza ndi ŵaFilisti kuzachirwa nkhondo ndi Sauli (kweni Davidi wengavi kovya ŵaFilisti chifukwa ŵakaronga ŵawo pakuchita upu ŵangumuwezga, ŵanguti wagurukenge kuruta ku mbuyake Sauli ku urwani wakutayamu mitu yidu).

2 Mikoka 24:20

Sono mzimu waku Chiuta ungusere mwaku Zekariya, mwana waku Yehoyada mzukuru; ndipo wanguma pachanya pa ŵanthu ndi wanguti kwaku wo, “Chiuta watiti, ‘Chifukwa nchine cho mujumphiya marangu gha Ambuya kuti mureke kutumbikaka? Chifukwa mwaŵasiya Ambuya, nawo so amsiyani.’ ”

Sumu 51:11

Rekani kunditaya kutali; kundituzga pa maso pinu, ndipo mureke kutuzgako kwangu mzimu winu wakupaturika.

Maŵerengedu 10:3

ndipo asani ŵamba mbata zose ziŵi; penipo wumba wose uwunganenge kwako pa khomo la hema lakuwunganamo.

ŴaRoma 13:14

Kweni vwarani Ambuya Yesu Kristu ndi mungaghanaghaniya ku vyaliŵavu cha, kwachifuska maulankhasi ghake.

ŴaGalatia 3:27

Pakuti mose mwaŵakubatizikiya mwaku Kristu, munguvwa Kristu.

Yoswa 17:2

Ndipo kungupaskika ku ŵakujapo ŵa fuku laku Manase mu mbumba zawo, Abiezere, Heleke, Asriele, Shekemu, Hefere, ndi Shemida; yaŵa ŵenga ŵana ŵanthurumi ŵaku Manase mwana waku Yosefe, kwakuyana ndi mbumba zawo.

Ŵeruzgi 13:25

Ndipo mzimu wa Ambuya ungwamba kumuchenjereska mu Mahane-dani, pakati pa Zora ndi Eshetalo.

Ŵeruzgi 14:19

Ndipo Mzimu wa Ambuya unguza ndi nthazi paku iyo, wanguruta ku Ashikeloni ndi wangubaya ŵanthu machumi ghatatu (30) ŵa msumba wo, wanguto miskowu yawo ndi wangupaska maraya ghapa, dghera kwaku wo ŵangukamba mtharika yiya. Mu ukari wakukole wanguwere ku nyumba ya awiske.

Ŵeruzgi 15:14

Po wanguza ku Lehi, ŵaFilisti ŵanguza ndi kuwawata kuzachikumana nayo; ndipo mzimu wa Ambuya unguza ndi nthazi paku iyo, ndipo vingwe vyo vyenga pa manja ghake vinguwa nge ndi vinthembwe vyo vitufya ndi moto, ndipo mafundu ghake ghanguthwamuka ku manja ghake.

Ŵeruzgi 3:10

Mzimu wa Ambuya unguza paku iyo, ndipo wangweruzga Yisraele; wanguya ku nkhondo, ndipo Ambuya angupereka Kushani-rishataimu karonga waku Mesopotamia mu janja lake, ndipo janja lake lingupunda paku Kushani-rishataimu.

Ŵeruzgi 3:27

Wanguti wafika wangumba mbata mu charu cha mitunthu chaku Efraimu; ndipo ŵaYisraele ŵangusikiya nayo pamoza kutuwa ku charu chamithunthu, ndipo ŵenga nayo nge ndi mutu wawo.

Ŵeruzgi 6:11

Sono mungelo wa Ambuya wanguza ndi wanguja musina mu chimuti cha mkundi pa Ofra, cho chenga chaku Joashi mu Abiezeri penipo mwana wake Gideoni wapwanthanga trigu pa mbuli, kubisa trigu ku ŵaMidiyani.

Ŵeruzgi 8:2

Gideoni wanguti kwaku wo, “Nchine cho ine ndachita pa kuyaniskana ndi imwe? Asi kuwunjika vipasi vyaku Efraimu nkhwamampha kwakuruska kuvuna vipasi vyaku Abiezere?

1 Samuele 10:6

Ndipo mzimu wa Ambuya uzenge paku iwe ndi nthazi yikuru, ndipo ukachimanga pamoza nawo ndi ukasandukanga munthu munyake.

1 Samuele 11:6

Sauli wanguti wavwa makani yagha mzimu waku Chiuta ungumufikiya ndi nthazi, ndipo mtima wake ungukwiyiskika ukongwa.

1 Samuele 13:3

Jonafani wangupunda linga la ŵaFilisti lenga mu Gibea; ndipo ŵaFilisti ŵanguchivwa ichi. Ndipo Sauli wangumba mbata mu charu chose, wakuti, “Mwa ŵaHebere vwani.”

1 Samuele 16:14

Viyo mzimu wa Ambuya ungutuwamo mwaku Sauli, ndipo mzimu uheni wakutuliya ku Ambuya ungumusuzga.