Ŵeruzgi 6:25 - Tonga Bible 1986

²⁵ Usiku uwa Ambuya anguti kwako iyo, “Uto nkhuzi ya mpupuka ya ausu, nkhuzi ya chirimika chimoza, ndipo ubwanganduliyi pasi guŵa laku Bala lo ŵe nalo ausu, udumliye pasi Ashera yo we pafupi nayo;

Ŵeruzgi 6:25 ပူးပေါင်းရင်းမြစ်များ

Chiyambo 35:2

Viyo Yakobe wanguti ku ŵamu nyumba yake ndi kwaku wose ŵeniwo ŵenga nayo, “Tayani ŵachiuta ŵalendo wo ŵe mukati mwinu, ndipo mujiphoto, ndipo musinthe vyakuvwala vinu;

1 ŴaKaronga 18:21

Ndipo Eliya wanguza pafupi ndi ŵanthu wose, wanguti, “Mpaka zuŵanji mwendenge ŵakuganthiyaganthiya ndi makhumbo ghaŵi ghakupambana? Asani Ambuya ndiwo Chiuta, murundoni, kweni asani ndi Bala, iku rondoni mweniyo.” Ndipo ŵanthu kuti wangumwamuka nanga ndi mazu cha.

Jobu 22:23

Asani uwere ku Wanthazizose, ndi kujiyuyuwa, asani utuzgapo uheni pa hema lako,

Sumu 101:2

Ndikajisunganga mu nthowa yambura kalema. A, kumbi muzenge zuŵanji kwaku ine? Ndendenge ndi mtima wakutowa mu nyumba yangu;

Chituwa 34:13

Mukagumuliyanga pasi majochero ghawo gha sembe, ndi kubwanganduwa mizati yawo, ndi kudumuliya pasi mya yawo yakusopiyapo Ashera

Mateyu 10:37

Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha.

Mateyu 6:24

“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.

Machitidu gha Ŵakutumika 4:19

Kweni Petro ndi Yohane, pakuŵamuka, ŵanguti, “Asani nkhwakurunjika paurongo paku Chiuta kuvwiya imwe kwakuruska Chiuta, yeruzgani;

Machitidu gha Ŵakutumika 5:29

Kweni Petro ndi ŵakutumika ŵangwamuka, ndipo ŵanguti, “Kutenere kuvwiya Chiuta kwakuruska munthu.

Marangu 7:5

Kweni mukachite nawo viyo, mukabwanganduwe majochero ghawo ndi kuphwatiya pasi mizati yawo, ndi kudumuliya pasi ŵakavuwa ŵawo ndi kocha ndi moto vikozgu vyawo vyakusemeka.

Ŵeruzgi 2:11

Ndipo ŵaYisraele ŵanguchita cho chenga chiheni mu maso gha Ambuya, ŵanguteŵete Bala.

Ŵeruzgi 3:7

Ndipo ŵaYisraele ŵanguchita uheni mu maso gha Ambuya, ŵanguruwa Ambuya Chiuta wawo, ndi kutataliya ŵaBala ndi Ashera.

Ŵeruzgi 6:26

ndipo uzenge jochero Ambuya Chiuta wako pano pachanya pa linga, ndi mya mu mluliku wake; ndipo uto nkhuzi ya chiŵi, uyipereke mpasku wakocha pamoza ndi nkhuni zaku Ashera mweniyo ukadumuliyanga pasi.”