Ŵeruzgi 6:15 - Tonga Bible 1986

¹⁵ Ndipo wanguti kwaku iyo, “Ndipempha, Ambuya, ndingamutaska uli Yisraele? Ehe, fuku langu ndilo lakumaliya mwaku Manase, ndipo ine nde wakumaliya mu mbumba yangu.”

Ŵeruzgi 6:15 ပူးပေါင်းရင်းမြစ်များ

Chiyambo 32:10

kuti chitindenere cha chingana nchakumaliya cha vifundu vinu ndi ukongolekwa winu wose weniwo mwalongo ku muŵanda winu, pakuti ndi nthonga yangu pe ndingwambuka Yordane uyu; kweni sono ndaŵa maliŵanja ghaŵi.

Chituwa 3:11

Kweni Mosese wanguti kwaku Chiuta, “Ndine yani ine kuti ndingaya kwaku Farao ndi kuŵatuzga ŵana ŵaku Yisraele mu charu cha Egipiti?”

Chituwa 4:10

Kweni Mosese wanguti ku Ambuya, “Owe Ambuya, ine kuti nde salala cha pakukamba kwamba kale; pamwenga po mwambiya kukamba kwaku ine, muŵanda winu; kweni kukamba chizitu-zitu ndi lilime nalo ndizitu.”

Yeremiya 1:6

Sono ine ndinguti, “A, Ambuya Chiuta! Ehe, kuti ndiziŵa cha kurongoro, pakuti nde mwanamana.”

Yeremiya 50:45

Chifukwa cho avwani fundu yo Ambuya arongoso kuchita pa Babiloni, ndi maghanaghanu ghawo pa charu cha Kaldiya; kwakuneneska twana twa ku mskambu wawo tukaguzikiyanga kutali; kwakuneneska khora lawo likanangikanga pa soka lawo.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Luka 1:34

Ndipo wangunena Mariya ku mungelo yo, “Chikaŵanga uli chenichi, po ndirive kumziŵa munthurumi?”

1 ŴaKorinte 15:9

Chifukwa ine nde mumana limu wa wakutumika, ndawambura kwene kutamulika wakutumika, chifukwa chakuti ine ndinguliŵemba eklesiya laku Chiuta.

ŴaEfeso 3:8

Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu;

Ŵeruzgi 6:11

Sono mungelo wa Ambuya wanguza ndi wanguja musina mu chimuti cha mkundi pa Ofra, cho chenga chaku Joashi mu Abiezeri penipo mwana wake Gideoni wapwanthanga trigu pa mbuli, kubisa trigu ku ŵaMidiyani.

1 Samuele 18:23

Viyo ŵateŵeti ŵaku Sauli ŵangukamba mazu yagha mu makutu ghaku Davidi. Ndipo Davidi wanguti, “Kumbi chitimuwonekiyani nge nkhanthu kamana kuŵa mkosano wa karonga, pakuwona kuti nde munthu mukavu ndi wakuyuyulika?”

1 Samuele 9:21

Sauli wangwamuka, “Asi ndine mu Benjamini, wakutuwa mu mtindu wa umari wa ŵaYisraele? Ndipo mbumba yangu asi ndi mbumba yakuyuyulika limu mu mbunda zose za fuku laku Benjamini? Chifukwa nchine mwarongoro nane mazu ghaviyo?”