Ŵeruzgi 6:13 - Tonga Bible 1986

¹³ Ndipo Gideoni wanguti “Ndipempha, abwana, asani Ambuya ŵe nafwe pamoza, na chifukwa nchine vyatiwiya vyose ivi? Zepani nchitu zawo zose zakuziziswa zo ŵangutinene auskefwe, kuti, ‘Asi mba Mbuya wo angutitole kuno kutuwa ku Egipiti?’ Kweni sono Ambuya atitaya kuwa, ndipo atipereka mu janja laku Midiyani.”

Ŵeruzgi 6:13 ပူးပေါင်းရင်းမြစ်များ

Chiyambo 25:22

Ŵana ŵangulimbana mu moyo mwake, ndipo iyo wanguti, “Asani ndimu kulili, ndiŵiyanji wamoyo?” Viyo wanguruta kwachifumba Ambuya.

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

Sumu 27:9

Mungabisanga kwaku ine chisku chinu. Rekani kudikiya kutali mteŵeti winu mwaukari, imwe munguŵa chovyo changu. Mungandisiyanga kutali, rekani kundisiya, A! Chiuta wachipozomosko changu!

Sumu 44:1

Tikuvwa ndi makutu ghidu, A Chiuta, auskefwe akutikonkhome, nchitu yo munguchita mu mazuŵa ghawo, mu mazuŵa ghamwaka;

Sumu 44:2

imwe ndi janja linu mungutuzga mitundu ya ŵanthu, kweni iwo munguŵapanda; mungusuzga makhamu, kweni iwo munguŵajarika mu wanangwa;

Sumu 44:9

Kweni sono mwatitaya ndi kutikhozga soni, ndipo kuti mutuwa pamoza ndi nkhondo zidu cha.

Sumu 89:49

Ambuya, chaya pani chanju chinu chikuru cha mazuŵa ghakale, ghepani mapanganu gho mungupangana ndi Davidi?

Yesaya 41:17

Penipo ŵasauchi ndi ŵasokwa ŵapenja maji, ndipo palivi, ndipo lilime lawo lomilwa ndi nyota, ine Ambuya ndiŵamukenge, ine Chiuta waku Yisraele kuti ndikaŵajowonga cha.

Yesaya 63:11

Mweni wangukumbuka mazuŵa gha kali, mazuŵa ghaku Mosese muŵanda wake. Ŵepani yo wangukwezga kutuwa mu nyanja ŵaliska ŵa muskambu? Wepani yo wanguŵika mukati mwawo Mzimu wake utuŵa,

Yesaya 63:15

Lereskani pasi kutuliya kuchanya, muwone, kutuliya uja winu utuŵa ndi wa unkhankhu. Kumbi lepani phamphu linu, ndi kulimba kwinu? Linweka la mtima winu ndi chifundu chinu, vyatuzgikako kwangu.

Yeremiya 23:33

“Penipo yumoza waku yaŵa, pamwenga mchimi, pamwenga mzukuru watikufumba, ‘Njine mphingu ya Ambuya?’ Ukatinge kwaku iwo, ‘Mphingu yo ndimwe, ndipo ndikakutayaninga, atiti Ambuya.’

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Marangu 29:24

Inya mitundu yose yingafumba kuti, ‘Chifukwa chine Ambuya achita viyo ku charu ichi? Chifundizi cha ukari uwu weniukuru chang'anamuwanji?’

Marangu 31:17

Sono ndazamukaripiya wo mu zuŵa lenilo, ndipo ndikaŵasiyanga ndikubisa chisku changu kwaku wo, ndipo ŵakaphwanyikanga, ndipo viheni vinandi ndi masuzgu vikazanga paku wo viyo ŵakakambanga mu zuŵa lo, ‘Ivi viheni pakutiziya ifwe, asi nchifukwa chakuti Chiuta widu mulivi mukati mwidu?’

Ŵeruzgi 6:1

ŴaYisraele ŵanguchita cho nchiheni mu maso gha Ambuya; ndipo Ambuya anguŵapereka mu janja laku Midiyani virimika vinkhonde ndi viŵi.

Ŵeruzgi 6:12

Ndipo mungelo wa Ambuya wangumuwoneke ndi wanguti kwaku iyo, “Wa munthu wanthazi ndi wakukhwima mtima Ambuya ŵe nawe.”