Ŵeruzgi 6:10 - Tonga Bible 1986

¹⁰ Ndipo ndinguti, ‘Ine ndine Ambuya Chiuta winu; mureke kugwadiya ŵachiuta ŵa Amori, ŵeniwo muja mu charu chawo.’ Kweni imwe kuti mwaphwere mazu ghangu cha.”

Ŵeruzgi 6:10 ပူးပေါင်းရင်းမြစ်များ

2 ŴaKaronga 17:13

Kweni Ambuya anguchenjezga Yisraele ndi Yuda mu mchimi ndi muwona we yose, kuti, “Mutuweko ku nthowa zinu ziheni ndipo sungani marangu ghangu, ndi vyeruzgu vyangu kwakuyana ndi dangu lose lenilo ndingulanguliya auskemwe, ndi lenilo ndingumutumiyani mu ŵateŵeti ŵangu ndi ŵamchimi.”

2 ŴaKaronga 17:33

Viyo ŵangopa Ambuya kweni ŵangutataliya so ŵachiuta ŵapa mtima wawo, kundondoloska malusu gha mitundu mwaku yeniyo ŵanguyorekiyamo.

2 ŴaKaronga 17:7

Ichi chinguŵadi viyo chifukwa ŵaYisraele ŵangulakwiya Ambuya Chiuta wawo, yo wanguza nawo kutuwa mu Egipiti kusi ku janja laku Farao karonga wa Egipiti, ndipo ŵangopa ŵachiuta ŵanyake,

Nehemiya 9:29

Ndipo munguŵachenjezga alinga kuti muŵawezge ku dangu linu. Ndipuuli ŵanguchita kwakujikuzga ndipo kuti ŵanguvwiya malamulu ghinu cha, kweni ŵangulakwiya malangulu ghinu, ghenigho pakughavwiya munthu wakajanga ndi umoyo, ndipo ŵangung'anamuliyako phewa la mtafu ndi ŵangungangamiska khosi lawo ndi ŵangukana kuvwiya.

Chituwa 34:12

Mujichenjere, vinu mungachita nawo phanganu ŵakuja mu charu cho kweniko mutiya, vinu chingakuŵiyani chikhwiriki mukati mwinu.

Chituwa 34:14

(pakuti kuti mukasopanga so chiuta munyake cha, pakuti Ambuya, Yo zina lake ndi Sanje, ndi Chiuta wa sanje),

Nthanthi 5:13

Kuti ndingutegherezga ku mazu gha ŵasambizgi ŵangu cha pamwenga kuŵikako gutu ku wakundirunguchizga.

Yeremiya 10:2

Viyo atiti Ambuya: “Rekani kusambira nthowa ya ŵamitundu, rekani kutenthema pa virongorero vya kuchanya, pakuti ŵamitundu ŵatenthema paku vyo,

Yeremiya 17:23

Kweni kuti ŵanguvwa chingana nkhutegherezga cha, kweni ŵangungangamiska khosi lawo, kuti ŵareke kuvwa ndi kuronde chisambizgu.

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Yeremiya 3:25

Tiyeni tigone pasi mu kulengeskeka kwidu, ndipo kujiyuyuwa kwidu kutivimbe; pakuti talakwiya Ambuya Chiuta widu, ifwe pamoza ndi auskefwe kutuwa ku uhurwa widu inya mpaka msana wale; ndipo tilive kuvwiya mazu gha Ambuya Chiuta widu.”

Yeremiya 42:21

Ndipo msana wale ndakutauliyani ichi, kweni kuti mwavwiya mazu gha Ambuya Chiuta winu cha, kuchita cho wangundituma kumuneniyani.

Yeremiya 43:4

Viyo Yohanani, mwana waku Kareya, ndi zinduna za maŵanja ndi ŵanthu wose kuti ŵanguvwiya cha mazu gha Ambuya, kujaririya mu charu chaku Yuda.

Yeremiya 43:7

Ŵanguza mu charu cha Egipiti ndipo kuti ŵanguvwiya mazu gha Ambuya cha. Ŵangufika pa Tapanesi.

Yeremiya 9:13

Ndipo atiti Ambuya, “Chifukwa ŵareka dangu langu lo ndinguŵika paurongo pawo, ŵalivi kuvwiya mazu ghangu pamwenga kwenda kwakuyana ndi dangu lo,

Zefaniya 3:2

Kuti uvwiya mazu cha, ukana kususkika. Ugomezga mwa Ambuya cha, kuti undere kwaku Chiuta wake cha.

ŴaRoma 10:16

Kweni kuti wose ŵavwiya evangeli cha. Chifukwa Yesaya watiti, “Ambuya, njani wavwaniya mukutaula kwidu?”

ŴaHebere 5:9

ndipo wanguti wafiskika wanguŵaŵiya wose ŵakumvwiya chata wa utaski wamuyaya;

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

Ŵeruzgi 2:2

ndi kuti imwe mungachitanga phanganu cha ndi ŵakuja mu charu ichi; mubwanganduliyenge pasi viguŵa vyawo vya sembe, kweni mulivi kuvwiya dangu langu. Nchine ichi mwachita?

Ŵeruzgi 6:9

Ndingukupozomoskani ku janja la ŵaEgipiti ndi ku janja laku wose wo ŵangukusauskani, ndinguŵadikiska paurongo pinu, ndingukupaskani charu chawo.