Ŵeruzgi 5:31 - Tonga Bible 1986

³¹ “Viyo ndimu ŵamariya ŵakupindikana ŵinu, Ambuya mwe! Kweni mabwezi ghinu ghaŵe nge ndi lumwi lichituwa ndi nthazi yake.” Ndipo charu chingupumuwa virimika machumi ghanayi.

Ŵeruzgi 5:31 ပူးပေါင်းရင်းမြစ်များ

2 Samuele 18:31

Ndipo awonani, muKushi wanguza; ndipo wanguti, “Makani ngamampha ghambuyangu karonga! Pakuti Ambuya ampozomoskani msana wale ku nthazi yaku wo ŵangumuyukiyani.”

2 Samuele 18:32

Karonga wangunena ndi muKushi, “Kumbi kwamuŵiya kwamampha mhurwa yo Absalomu?” MuKushi wanguti, “Ŵarwani wose ŵa mbuyangu karonga ndi wose ŵakumuyukiyani kumuchitiyani uheni ŵaŵe nge mhurwa yuwa.”

2 Samuele 23:4

aŵaliya paku wo nge nkhucha kwa mlenji, nge nkhuŵala kwa dazi mu mlenji wambura mitambo, nge ndi vuwa yakutuzga chipozwa pasi.

Sumu 19:6

Kutuwa kwake lituliya ku vigoti vya kuchanya, kuzunguliya kwake lifika ku umari waku vyo; ndipo palivi kakubisika ku chifundizi chake.

Sumu 20:8

Iwo ŵabwanthuskikenge ndi kuwa pasi; kweni ifwe tikayukanga ndi kuma chiliri.

Sumu 37:6

Atuzgenge urunji wako pakweru nge nkhungweruka, ndi kweruzga kwako nge ndi msana pakati.

Sumu 89:36

Mbeu yake yikajaririyanga muyaya, ndipo ndikasunganga ufumu wake po pose lumwi liŵaliya.

Sumu 89:37

Ukakhozgekanga nge ndi mwezi nge ndi kaboni wamagomekezgeka kuchanya.”

Sumu 91:14

Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

Sumu 92:10

Imwe mwandichitiska kuŵa wanthazi nge ndi njati; ndipo mwanditumbika ndi malikondwa.

Sumu 92:9

Pakuti, ehe, ŵakupindikana namwe, Ambuya, ehe, ŵarwani ŵinu, ŵakamaranga; wose ŵakutata utimbanizi ŵakaparghang'ikanga.

Sumu 97:10

Ambuya atanja ŵakutinkha uheni: avikiriya maumoyo gha ŵanthu ŵawo, atiŵataska ku nthazi ya ŵaheni.

Sumu 97:8

Ŵanthu ŵamu Zioni mbakukondwa, yisekere misumba yaku Yuda, chifukwa cha vyeruzgu vinu, Ambuya!

Chituwa 20:6

kweni nde wakuchitiya lisungu ku vikwi vya ŵanthu wo ŵatindanja ndi ŵasunga marangu ghangu.

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Danyele 12:3

Wo mbavinjeru ŵamuŵara nge nkhung'anima kwa mlengalenga; ndi wo ŵawezge ŵanandi ku urunji, nge ndi nyenyezi muyaya ndi muyaya.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Mateyu 13:43

Penipo ŵarunji ŵaŵalenge nge ndi dazi mu ufumu wa Auskeu. Wakuŵa ndi makutu yo, wavwe.

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

1 ŴaKorinte 8:3

Kweni asani yumoza watumwanja Chiuta, mweniyo waziŵikwa ndi iyo.

ŴaEfeso 6:24

Wezi uŵiye wose ŵakuŵanja Ambuyafwe Yesu Kristu mu chanju chambura kumara.

Marangu 6:5

ndipo mwanjenge Ambuya Chiuta winu, ndi mtima winu wose ndi umoyo winu wose ndi nthazi zinu zose.

Marangu 7:9

Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

1 Petro 1:8

mweniyo mwaŵambura kumwona mutumwanja; mwaku mweniyo sono mwaŵambura kumlereska, kweni mwaŵakuvwana nayo, mukankhaŵiya ukongwa ndi chimwemwe chambura makambika ndi chakuzara unkhankhu,

Chivumbuzi 1:16

Ndipo wanguŵa nazo nyenyezi nkhonde ndi ziŵi mu janja lake lamarghe; mu mlomo wake mwatuwanga lipanga lauyi la vyepe kosekose; ndi chisku chake chenga ulaka ndi dazi lakuŵala kwa nthazi.

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

Chivumbuzi 6:10

ndipo ŵangukambura ndi mazu ghakuru, kuti, “Mpaka zuŵanji Ambuya Mwaŵanthazizose, ŵakupaturika ndi ŵakuneneska, murekenge kweruzga ndi kutayiya thayu yapa ndopa zidu paku wo ŵaja pa charu?”

Ŵeruzgi 3:11

Viyo charu chingupumuwa virimika machumi ghanayi. Pavuli Otniele mwana waku Kenazi wangufwa.

Ŵeruzgi 3:30

Viyo Moabu wangupundika zuŵa liya ndi janja laku Yisraele. Ndipo charu chingupumuwa kwavirimika machumi ghankhonde ndi ghatatu (80).