Ŵeruzgi 5:23 - Tonga Bible 1986

²³ “Utembe Merozi, watiti mungelo wa Ambuya, uŵatembe kwakuŵaŵa ŵakujamo mwake, chifukwa ŵengavi kuza ku chovyu cha Ambuya, kuchovyu cha Ambuya pakumikana ndi ŵanthazi.

Ŵeruzgi 5:23 ပူးပေါင်းရင်းမြစ်များ

Nehemiya 3:5

Ndipo kulunga kwaku wo ŵaTekoa wangulongoso; kweni ŵakuzirwa ŵake ŵengavi kufyoki yako khose ku mlimu wa Ambuya ŵawo.

Sumu 94:16

Njani yo wangundisoke kumikana ndi ŵaheni? Njani yo wenga kuchiri kwangu kumikana ndi ŵakuchita mphurupuru?

Yeremiya 48:10

“Wakutembeka ndi munthu yo wachita nchitu ya Ambuya ndi kutomboloka; ndipo wakutembeka ndi mweniyo wakanizga lipanga lake kudiska ndopa.

Mateyu 25:41

Pavuli waneniyenge ŵaku maze, ‘Tuwaniko kwangu, mwaŵakutembeke, ku motu wamuyaya, wakurongosoleke diabolo yo ndi ŵangelo ŵake;

ŴaRoma 15:18

Chifukwa kuti ndamgangiya kurongoro kanthu cha, kweni kaku vyo Kristu wangutataliya mwaku ine, kuti ŵamuvwiye ŵaMitundu mu mazu ndi milimu,

1 ŴaKorinte 16:22

Asani munthu wareka kwanja Ambuya, waŵe wakutembeka. Ambuyafwe ŵatuza.

1 ŴaKorinte 3:9

Chifukwa te ŵanchitu-ŵanase ŵaku Chiuta; ulimi waku Chiuta, uzengi waku Chiuta ndimwe.

2 ŴaKorinte 6:1

Ndipo taŵakutakatakiya pamoza nayo, tikuŵeyereni karonde wezi waku Chiuta kwaumbughuya cha.

Ŵeruzgi 13:3

Ndipo mungelo wa Ambuya wanguwoneka ku munthukazi wanguti kwaku yo, “Ehe, we chumba ndipo ulivi ŵana, kweni ukaŵanga ndi nthumbo, ukapapanga mwana munthurumi.

Ŵeruzgi 2:1

Sono mungelo wa Ambuya wangukwera kutuwa ku Gilgala kuya ku Bokimu. Ndipo wanguti, “Ndingumutoni mu Egipiti, ndinguza namwe mu charu ichi, cho ndingurapiya kupaska ku auskemwe. Ndinguti kuti ndikaswanga cha phanganu langu ndi imwe,

Ŵeruzgi 21:5

Ndipo ŵaYisraele ŵanguti, “Ndi mtundu nuwu mu mitundu yose yaku Yisraele wo wengavi kuza Ku unganu wa Ambuya?” Pakuti ŵangurapa rapu likuru paku yose yo wengavi kukweriyako ku Ambuya pa Mizipa, wakuti, “Ŵakabayikanga.”

Ŵeruzgi 21:8

Ndipo ŵanguti, “Njani walipo wamu mafuku ghaku Yisraele mweniyo wengavi kukweriyako ku Ambuya ku Mizipa?” Ndipo ehe, pengavi yumoza yo wanguza ku ugoŵi kutuwa ku unganu ku Yabeshe-Gileada.

Ŵeruzgi 4:6

Wangutuma kwachidana Baraki mwana waku Abinamu waku Kedeshi mu Naftali, wanguti kwaku iyo, Ambuya Chiuta waku Yisraele, watikulanguliya, “Ruta, kawunjike ŵanthu ŵako pa phiri Taboro, uruti ndi ŵanthu vikwi chumi (10,000) kutuwa ku fuku laku Naftali ndi fuku laku Zebuluni.

Ŵeruzgi 5:13

Sono ŵangusika ŵakujapo ŵa ŵakuzirwa; ŵanthu ŵa Ambuya ŵanguchoma chifukwa chake kwachimikana ndi ŵakulimba.

Ŵeruzgi 6:11

Sono mungelo wa Ambuya wanguza ndi wanguja musina mu chimuti cha mkundi pa Ofra, cho chenga chaku Joashi mu Abiezeri penipo mwana wake Gideoni wapwanthanga trigu pa mbuli, kubisa trigu ku ŵaMidiyani.

Ŵeruzgi 8:5

Viyo ŵanguti ku ŵanthu ŵaku Sukoto, “Chondi ŵapaskeni kurgha ŵanthu wo ŵatindilondo; pakuti ŵalakatuka, pakuti ndindondoloska Zeba ndi Zalmuna, ŵakaronga ŵa ŵaMidiyani.”

Ŵeruzgi 8:6

Ndipo ŵaraŵara ŵaku Sukoto ŵanguti, “Kumbi Zeba ndi Zalmuna ŵemu janja lako kale, kuti tipereke kurgha ku liŵanja lako la nkhondo?”

Ŵeruzgi 8:8

Kutuwa apa wangukwere ku Penuele, ndipo wanguti wakamba kwaku wo kwakukozgana; waku Penuele ŵangumwamuka uli ndimo ŵangwamukiya ŵaku Sukoto.

1 Samuele 17:47

ndikuti mzinda wose uwu uziŵe kuti Ambuya kuti apozomoska ndi lipanga ndi mkondo cha pakuti nkhondo nja Ambuya, ndipo aperekenge iwe mu janja lidu.”

1 Samuele 18:17

Sauli wanguti kwaku Davidi, “Pano pe mwana wangu munthukazi mura, Merabi; ndikupaskenge kuti waŵe muwoli wako; utenere kundiŵiya wanthazi; rwanga nkhondo za Ambuya.” Sauli wangughanaghana kuti, “Janja langu kuti liŵe paku iyo cha; kweni janja la ŵaFilisti ndilo liŵe pake.”

1 Samuele 25:28

Ndipempha ndigowokeyeni kwananga kwangu ndamteŵeti munthukazi winu, pakuti nadi Ambuya amuchitiyenge mbuyangu nyumba yakukho, chifukwa mbuyangu waturwa nkhondo za Ambuya; ndipo uheni kuti usanirikengemo mwinu cha mu umoyo winu wose.

1 Samuele 26:19

Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’