Ŵeruzgi 5:18 - Tonga Bible 1986

¹⁸ Zebuluni mbanthu wo ŵanguŵika mu urwani maumoyo ghawo ku nyifwa; Naftali nayo, pa mitunthu ya munda.

Ŵeruzgi 5:18 ပူးပေါင်းရင်းမြစ်များ

Chiyambo 35:23

Ŵana ŵaku Leya: Rubene (waumwali waku Yakobe), Simeoni, Levi, Yuda, Isakara, ndi Zebuluni.

Chiyambo 35:25

Ŵana ŵanthurumi ŵaku Biliha mwali waku Rakelo: Dani ndi Naftali.

Estere 4:16

“Ruta ukawunganiske ŵaYuda wose wo ŵemu msumba wa Susa, mufunge kurgha ndi kumwa mazuŵa ghatatu, usiku ndi msana. Ine ndi ŵateŵeti ŵangu ŵanthukazi nafwe tikafunganga kwakulingana ŵaka. Sono pavuli ndamsere ku karonga nanga ichi nchakupambana ndi dangu; ndipo asani nkhufwa, ndifwenge ŵaka.”

Sumu 68:27

Pakudanga watuza Benjamini, fuku limana ukongwa, pavuli pake ŵarongozgi ŵaku Yuda ndi mpingu wawo, ŵakuwarondo mbarongozgi ŵaku Zebuluni ndi Naftali.

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

1 Yohane 3:16

Mwaku chenichi tiziŵiya chanju, mwakuti Yuwa wanguŵikiya pasi umoyo wake pa chifwa chidu: ndipo titenere ifwe kuŵikiya pasi maumoyo ghidu pa chifwa cha ŵabali wo.

Chivumbuzi 12:11

Kweni iwo ŵamupundiya mu ndopa za Mwana-mberere yo, ndi mu mazu gha ukaboni wawo; pakuti ŵengavi kughanja maumoyo ghawo mpaka ku nyifwa.

Ŵeruzgi 4:10

Ndipo Baraki wangudana Zebuluni ndi Naftali kuza ku Kedeshi, ŵanthu vikwi chumi (10,000) ŵangukweriyako pasi pa urongozgi wake, Debora nayo wangukweriyako.

Ŵeruzgi 4:14

Ndipo Debora wanguti kwaku Baraki, “Kwera! Pakuti ili ndi zuŵa lo Ambuya apereka Sisera mu janjo lako. Asi Ambuya atikudanjiriyani?” Viyo Baraki wangusika ku phiri Taboro pamoza ndi ŵanthu vikwi chumi (10,000) ŵakumulondo.

Ŵeruzgi 4:6

Wangutuma kwachidana Baraki mwana waku Abinamu waku Kedeshi mu Naftali, wanguti kwaku iyo, Ambuya Chiuta waku Yisraele, watikulanguliya, “Ruta, kawunjike ŵanthu ŵako pa phiri Taboro, uruti ndi ŵanthu vikwi chumi (10,000) kutuwa ku fuku laku Naftali ndi fuku laku Zebuluni.

Ŵeruzgi 6:35

Wangutuma manthenga mwaku Manase yose, ndipo iwo nawo ŵangudanika kuti ŵamurondo. Wangutuma mathenga kwaku Ashere, Zebuluni, ndi Naftali, ndipo ŵangukwera kwachikumana nawo.