Ŵeruzgi 5:13 - Tonga Bible 1986

¹³ Sono ŵangusika ŵakujapo ŵa ŵakuzirwa; ŵanthu ŵa Ambuya ŵanguchoma chifukwa chake kwachimikana ndi ŵakulimba.

Ŵeruzgi 5:13 ပူးပေါင်းရင်းမြစ်များ

Sumu 49:14

Nge ndi mberere ŵatemeke ku muunda; nyifwa yikaŵanga mliska wawo; ŵaruta ŵasikiya ku muunda, ndipo kawonekero kawo kakamaranga, muunda ukaŵanga muzi wawo.

Sumu 75:7

Kweni ndi Chiuta yo wachita cheruzgu, kusiskiya pasi ŵanyake, ndi kukwezge ŵanyake pachanya.

Ezekiele 17:24

Miti yose ya mudondo yikaziŵanga kuti ine Ambuya ndisiskiya pasi muti utali, ndikukwezge pachanya muti ufupi, kumizga muti uŵisi, ndi kusundiska muti wakumira. Ine Ambuya ndarongoro, ndipo ndikachichitanga.”

ŴaRoma 8:37

Awa! Mwaku vyenivi yose tiruskiya kupunda mwaku yo wangutanja.

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.

Ŵeruzgi 5:12

“Yuka, yuka, Debora! Yuka, yuka, mbanga, sumu! Soka, Baraki, rongozga ŵamikoli ŵako, mwana we waku Abinoamu.

Ŵeruzgi 5:14

Kutuwa kwaku Efraimu ŵangurutakurazga mu dambo, kukurondo, Benjamini, pamoza ndi ŵabali ŵako; kutuwa ku Makiri ŵangusika ŵakulangula, kutuwa kwaku Zebuluni wo ŵapinga nthonga ya murongozgi wa nkhondo;

Ŵeruzgi 5:23

“Utembe Merozi, watiti mungelo wa Ambuya, uŵatembe kwakuŵaŵa ŵakujamo mwake, chifukwa ŵengavi kuza ku chovyu cha Ambuya, kuchovyu cha Ambuya pakumikana ndi ŵanthazi.