Ŵeruzgi 4:7 - Tonga Bible 1986

⁷ Ndipo ndikatuzganga Sisera, wakurongozga mura wa nkhondo yaku Yabini, kwachikumana nawe pa msinji Kishoni ndi magareta ghake ndi maŵanja ghake gha nkhondo; ndipo ndikamuperekanga mu janja lako.”

Ŵeruzgi 4:7 ပူးပေါင်းရင်းမြစ်များ

1 ŴaKaronga 18:40

Ndipo Eliya wanguti kwaku wo, “Ŵakoni ŵamchimi ŵaku Bala, mungarekapo yumoza kuti wathaŵa cha.” Ndipo ŵanguŵako; sono wangusikiya nawo ku kamsinji ka Kishoni, ndipo ŵanguŵabayiya kwenikuwa.

Chituwa 14:17

Ndipo ndikanonopeskanga mitima ya ŵaEgipiti kuti ŵaseremo kuŵandondoloska, ndipo ine ndirondenge unkhankhu paku Farao ndi liŵanja lake lose, magareta ghake, ndi ŵankhondo ŵapa ŵakavalo ŵake.

Chituwa 14:4

Ndipo ndikanonopaskanga mtima waku Farao ndipo wakaŵandondoloskanga, ndipo ine ndirondenge unkhankhu paku Farao ndi liŵanja lake lose; ndipo ŵaEgipiti ŵakaziŵanga kuti Ndine Ambuya.” Ndipo ŵanguchitade viyo.

Chituwa 14:8

Ndipo Ambuya angunonopeska mtima waku Farao karonga wa Egipiti ndipo wangundondoloska ŵaYisraele ŵachiruta ndi kugiya.

Chituwa 21:13

Kweni asani kuti wangumukhazga cha, kweni Chiuta ndiyo wamupong'a mu janja lake, po ndipo ndikakutemiyaninga malo kweniko wangathaŵiya.

Yoswa 10:8

Ambuya angunena ndi Yoswa, “Ungawopanga cha, pakuti ndaŵapereka mu manja ghako, paŵengevi nanga njumoza wakuma paurongo pako.”

Yoswa 11:20

Pakuti yenga nchitu ya Ambuya kunonopeska mitima yawo kuti ŵazichirwanga ndi ŵaYisraele mu nkhondo, mwakuti ŵaparghanikiye limu tetete, kuti ŵaronde lisungu cha kweni kuti ŵadumulikiye limu, nge ndimo Ambuya angulanguliya Mosese.

Yoswa 11:6

Ambuya angunena ndi Yoswa, “Ungaŵawopanga wo cha, chifukwa la mawa pa nyengo nge ndi iyi ndikaŵaperekanga wose, ŵakubayika, kwaku Yisraele; mukadengenduwanga ŵakavalo ŵawo, mukawochanga magareta ghawo ndi moto.”

Yoswa 8:7

sono imwe mwamusoka mo mwamubisama, kwachithereska msumba wo; pakuti Ambuya Chiuta winu wakawuperekanga mu janja linu.

Ŵeruzgi 4:14

Ndipo Debora wanguti kwaku Baraki, “Kwera! Pakuti ili ndi zuŵa lo Ambuya apereka Sisera mu janjo lako. Asi Ambuya atikudanjiriyani?” Viyo Baraki wangusika ku phiri Taboro pamoza ndi ŵanthu vikwi chumi (10,000) ŵakumulondo.

Ŵeruzgi 4:8

Baraki wanguti kwaku iyo, “Asani ukarutanga nane, ndikarutanga, kweni asani kuti ukarutanga nane cha, nane kuti ndikarutanga cha.”

Ŵeruzgi 5:21

Mweza wa Kishoni unguŵakukurwiska, mweza wakuchimbiya, mweza wa Kishoni, chimbyanga ku nthazi, wa mzimu wangu, ndi nthazi!

1 Samuele 24:10

Alereni, zuŵa lino maso ghinu ghawona mo Ambuya amperekiyani mu janja langu mu mphanji ŵanyake ŵatinge ndimubayeni, kweni ine ndamurekani. Ndakamba kuti, ‘Kuti ndiŵikenge janja langu kumikana ndi mbuyangu cha, chifukwa ngwakupakika wa Ambuya.’

1 Samuele 24:18

Ndipo zuŵa lino wakamba pa kwero vyamampha vyo wachitiya ine, mwakuti wareka kundibaya po Ambuya angundiŵika mu manja ghako.