Ŵeruzgi 3:8 - Tonga Bible 1986

⁸ Chifukwa cho ukari wa Ambuya ungukole paku Yisraele, ndipo anguŵaguliska mu janja laku Kushani-rishataimu karonga waku Mesopotamia, ndipo ŵaYisraele ŵangutataliya Kushani-rishataimu virimika vinkhonde ndi vitatu.

Ŵeruzgi 3:8 ပူးပေါင်းရင်းမြစ်များ

Chiyambo 24:10

Sono muŵanda yo wanguto ŵagamila chumi ŵa mbuyake ndipo wanguruta, wangupinga vyaulera vyakusankhika vya mitundu yose vyakutuwa ku mbuyake; ndipo wangusoka, ndi wanguruta ku Mesopotamiya, ku msumba waku Nahoro.

Sumu 106:41

anguŵapereka ku janja la ŵamitundu mwakuti wo ŵanguŵatinkha ndiwo ŵanguŵausa.

Sumu 129:1

Yisraele sono wakambe, “Wandisuzga kutuliya ku uhurwa wangu.

Sumu 44:12

mwaguliska ŵanthu ŵinu kwambura usambasi, ndipo kuti mwaŵaguliska ndi mtengo wapatali cha.

Sumu 6:1

A Chiuta, mungandichenyanga mu ukari winu, nanga nkhundilanga mu kandundu kinu.

Sumu 85:3

Mungureka ukari winu paku iwo, mungujiwezga ku ufyu wa kandundu kinu.

Chituwa 22:24

ndipo ukari wangu ukakolenga, ndipo ndikakubayaninga ndi lipanga, ndipo ŵawoli ŵinu ŵakajanga vyoko ndi ŵana ŵambura auskeu.

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

Habakuku 3:7

Ndinguwona mahema ghaku Kusana mu suzgu vyakuchinga vya charu chaku Midiani vingusukunika.

ŴaRoma 7:14

Chifukwa tiziŵa kuti chilangulu cho nchamzimu: kweni ine nde wanyama, wakugulika muŵanda ku ulakwi.

Marangu 29:20

Ambuya kuti angamugowoke cha; kweni ukari wa Ambuya ndi sanji yawo; yiyupukiyenge munthu yo ndi matembo gho ghakulembeka mu buku ili ghakaŵanga paku iyo, ndipo Ambuya akazimwanga zina lake panu pasi.

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?

Ŵeruzgi 2:14

Viyo ukari wa Ambuya ungukole paku Yisraele, ndipo anguŵapereka ku ŵamawongo wo ŵanguŵayora; ndipo anguŵaguliska ku nthazi ya ŵakupindikana ŵawo ŵakuŵazunguliya, alinga kuti ŵangalimbana nawo so cha ŵakupindikana ŵawo.

Ŵeruzgi 2:20

Viyo ukari wa Ambuya ungukole paku Yisraele; ndipo anguti, “Chifukwa chakuti ŵanthu yaŵa ŵaswa phanganu langu lo ndingulanguliya auskeu, ndipo ŵalivi kuvwiya mazu ghangu.

Ŵeruzgi 3:10

Mzimu wa Ambuya unguza paku iyo, ndipo wangweruzga Yisraele; wanguya ku nkhondo, ndipo Ambuya angupereka Kushani-rishataimu karonga waku Mesopotamia mu janja lake, ndipo janja lake lingupunda paku Kushani-rishataimu.

Ŵeruzgi 3:7

Ndipo ŵaYisraele ŵanguchita uheni mu maso gha Ambuya, ŵanguruwa Ambuya Chiuta wawo, ndi kutataliya ŵaBala ndi Ashera.

Ŵeruzgi 3:9

Kweni penipo ŵaYisraele ŵanguliliya ku Ambuya, Ambuya anguŵasoske muwombozi ŵaYisraele mweniyo wanguŵawombo, Otniele mwana waku Kenazi, muhurwa waku Kalebu.

Ŵeruzgi 4:9

Ndipo iyo wanguti, “Kwakuneneska ndikarutanga nawe, kweni ulendo uwu kuti ukakutoriyanga unkhankhu iwe cha, chifukwa Ambuya akaperekanga Sisera mu janja la munthukazi.” Sono Debora wangusoka, wanguruta ndi Baraki ku Kedeshi.

1 Samuele 12:9

Kweni ŵanguruwa Ambuya Chiuta wawo; rekani anguŵaguliska mu janja laku Sisera, nduna ya nkhondo yaku Yabini karonga waku Hazoro, ndimu janja la ŵaFilisti, ndimu janja la karonga waku Moabu; wangurwa kwakumikana nawo.