Ŵeruzgi 3:7 - Tonga Bible 1986

⁷ Ndipo ŵaYisraele ŵanguchita uheni mu maso gha Ambuya, ŵanguruwa Ambuya Chiuta wawo, ndi kutataliya ŵaBala ndi Ashera.

Ŵeruzgi 3:7 ပူးပေါင်းရင်းမြစ်များ

1 ŴaKaronga 16:33

Ndipo Ahabu wangupanga Ashera. Wanguchita kwakurutizga kusosomole Ambuya, Chiuta waku Yisraele, ku kukara, kuruska ŵakaronga wose ŵaku Yisraele wo ŵengako paurongo pake.

1 ŴaKaronga 18:19

Viyo sono tuma ndi uwungang'e ŵaYisraele wose kwangu pa phiri Karmele, ndi ŵamchimi machumi pe chumi ghanayi ndi machumi ghankhonde (450) ŵaku Bala ndi ŵa mchimi machumi pe chumi ghanayi (400) ŵaku Ashera, ŵeniwo ŵaturgha pa gome laku Yezebelu.”

2 ŴaKaronga 23:14

Wanguswa tumanatumana mizati, ndi kudumuliya pasi vikozgo, ndipo wanguzaza malo ghawo ndi viwanga vya ŵanthu.

2 ŴaKaronga 23:6

Ndipo wangutuzga chikozgo cha Ashera mu nyumba ya Ambuya, kwachitaya kubwalo kwa Yerusalemu, ku kamsinje ka Kidroni, wanguchoche pa kamsinje ka Kidroni wanguchipuwa kuŵa fuvu ndipo wangudira fuvu lake pachanya ndi miunda ya ŵanthu bweka.

2 Mikoka 15:16

Chingana ndi Maka ŵanyina, Asa wanguŵatuzgamo mu ufumukazi wawo chifukwa ŵanguchita chikozgu cha Ashera. Asa wangudumuliya pasi chikozgu ndi kuchipikitapikita, ndi kuchocha ku msinji Kidroni.

2 Mikoka 24:18

Wangusiya nyumba ya Ambuya Chiuta wa auskeu, ndi ŵanguteŵete Ashera ndi ŵangoza. Ndipo ukari unguza paku Yuda ndi Yerusalemu chifukwa cha ubendezi wawo uwu.

2 Mikoka 33:19

Kuromba kwake naku so, ndi mo Chiuta wanguŵeyereke ndi iyo, ndi maulakwi ghake ghose ndi ubendezi wake, ndi malo mo wanguzenga malo gha pachanya, ndi kuŵika Ashera, ndi vikozgo vya kusema, wenga wandape; ehe, vikulembeka mukati mu Makani gha Ŵamchimi.

2 Mikoka 33:3

Pakuti wanguzenga so malo gha pachanya gho Hezekiya awiske ŵangudumuriya pasi, ndi kumzenge Bala viguŵa ndi viuyi, wangusopa vya kuchanya vyose ndi kuvitatariya.

2 Mikoka 34:3

Chifukwa mu chirimika cha chinkhonde ndi chitatu cha muwusu wake weche muhurwa, wangwamba kupenja Chiuta waku Davidi mbuyake; ndipo mu chirimika cha chumi ndi viŵi wangwamba kutozga Yuda ndi Yerusalemu, kutuzgamo malo gha pachanya, ndi Ashera, ndi ŵangoza ŵakusongono.

2 Mikoka 34:7

Wanguti wawiskiya pasi majochero ndi Ashera, ndi ŵangoza ŵakusema ndi kuvisira nge ndi fuvu ndi kudumuwa vikozgu vya dazi mu charu chose chaku Yisraele wangu were ku Yerusalemu.

Sumu 106:35

kweni ŵangwendezgana ndi ŵamitundu ndi kusambira nthowa zawo ziheni.

Sumu 106:36

Ŵanthu ŵaku Chiuta ŵangusopa ŵangoza, ndipo ichi chinguŵatore pharghaniko,

Sumu 106:7

Po auskefwe ŵenga mu Egipiti kuti ŵanguwamo cha ndi nchitu zakuziziswa zaku Chiuta; ŵanguruwa unandi wa zinyengo zo wanguŵarongo chanju chake, ndipo ŵangumugarukiya ŵanthazi zose pa Nyanja Yiyera.

Chituwa 34:13

Mukagumuliyanga pasi majochero ghawo gha sembe, ndi kubwanganduwa mizati yawo, ndi kudumuliya pasi mya yawo yakusopiyapo Ashera

Yeremiya 23:27

Wo ŵakhumba kuti ŵanthu ŵangu ŵaruwe zina langu chifukwa cha maloto ghawo gho ŵanenerana yumoza ndi munyake, inya nge ndimo auskeu ŵanguruwiya zina langu chifukwa chaku Bala.

Marangu 16:21

“Mungapandanga muti we wose cha kuŵa lisuwa kuŵandikana ndi jochero la Ambuya Chiuta winu lo mukachitanga.

Marangu 4:9

“Mbwenu mujichenjere mwaŵeni ndi mufwiririyepo kusambira vinu mungaruwa vinthu vyo maso ghinu ghawona, vinu vingatuwamu mu mtima winu mazuŵa ghose gha umoyo winu.

Marangu 8:11

“Chenjeni vinu mungaruwa Ambuya Chiuta winu pakureka kusunga marangu ghake, vyeruzgu vyake, ndi visambizgu vyake vyenivyo ndimulanguliyani zuŵa lino.

Marangu 8:14

chenjeni vinu mtima winu wungatukumuka, ndi mungaruwa Ambuya Chiuta winu, yo wakumutuzgani mu charu cha Egipiti, mu nyumba ya uŵanda.

Marangu 8:18

Mukumbuke Ambuya Chiuta winu, chifukwa ndiyo wamupaskani nthazi zakusaniriya usambasi, kuti wakhozge phanganu lenilo wangurapa kwa auskemwe, nge ndimo kulilizuŵa lino.

Ŵeruzgi 3:12

Ndipo ŵaYisraele ŵanguwerezgapo kuchita uheni mu maso gha Ambuya, ndipo Ambuya angukhozga Egloni karonga wa Moabu kumikana ndi Yisraele, chifukwa ŵanguchita uheni mu maso gha Ambuya.

Ŵeruzgi 3:8

Chifukwa cho ukari wa Ambuya ungukole paku Yisraele, ndipo anguŵaguliska mu janja laku Kushani-rishataimu karonga waku Mesopotamia, ndipo ŵaYisraele ŵangutataliya Kushani-rishataimu virimika vinkhonde ndi vitatu.

Ŵeruzgi 6:25

Usiku uwa Ambuya anguti kwako iyo, “Uto nkhuzi ya mpupuka ya ausu, nkhuzi ya chirimika chimoza, ndipo ubwanganduliyi pasi guŵa laku Bala lo ŵe nalo ausu, udumliye pasi Ashera yo we pafupi nayo;

Ŵeruzgi 8:33

Wati wafwa Gideoni, ŵaYisraele ŵangung'anamuka so ŵanguchita uheni wakundondoloska ŵaBala, ndipo ŵanguchita Bala-beriti kuŵa chiuta wawo.

Ŵeruzgi 8:34

Ndipo ŵaYisraele kuti ŵangukumbuka Ambuya Chiuta wawo cha, yo wanguŵapozomoska ku janja la ŵakupindikana ŵawo wose kosekose;

1 Samuele 12:10

Ndipo ŵanguliya ku Ambuya, wanguti, ‘Talakwa chifukwa taŵapata Ambuya, ndipo tateŵete Bala ndi Ashitaroto; kweni sono tipozomoskeni ku janja la ŵarwani ŵidu ndipo tikamuteŵetiyaninga.’

1 Samuele 12:9

Kweni ŵanguruwa Ambuya Chiuta wawo; rekani anguŵaguliska mu janja laku Sisera, nduna ya nkhondo yaku Yabini karonga waku Hazoro, ndimu janja la ŵaFilisti, ndimu janja la karonga waku Moabu; wangurwa kwakumikana nawo.