Ŵeruzgi 3:11 - Tonga Bible 1986

¹¹ Viyo charu chingupumuwa virimika machumi ghanayi. Pavuli Otniele mwana waku Kenazi wangufwa.

Ŵeruzgi 3:11 ပူးပေါင်းရင်းမြစ်များ

1 Mikoka 4:13

Ŵana laku Kenazi: Otnieli ndi Seraya; ŵana ŵaku Otnieli: Hatati ndi Menotai,

Nehemiya 9:28

kweni pavuli ŵanguti ŵapumuwa ŵangulakwa so paurongo pinu, ndipo imwe munguŵajowole mu janja la ŵakupindikana ŵawo, viyo kuti ŵenga ndi mtufu paku wo; kweni penipo ŵangung'anamuka ndi ŵanguliriya kwaku imwe munguŵavwa ko kuchanya, ndipo nyengo zinandi munguŵapozomoska kwakuyana ndi malisungu ghinu.

Estere 9:22

pakuti ndi mazuŵa mwaku ghenigho ŵaYuda ŵangupumuwa ku ŵarwani ŵawo mwezi weniwo chitima chawo chingusanduka chimwemwe, ndi kutenje kungusanduka zuŵa lamampha; kuti ŵaghasunge kuŵa mazuŵa gha dghera, ndi chimwemwe, ndi ghakutumirana vyawezi ndi kupaska ŵasauchi vyawanangwa.

Yoswa 11:23

Viyo Yoswa wanguronda charu chose, kwakuyana ndi vyose vyo Ambuya angukamba ndi Mosese; Yoswa wanguchipereka kuŵa chihara ku ŵaYisraele ku fuku ndi fuku ndipo charu chingupumuwa ku nkhondo.

Yoswa 15:17

Ndipo Orniele mwana waku Kenaza, mbali waku Kalebem wanguwupoka; viyo wangumupaska Akisa mwana wake kuŵa muwoli wake.

Ŵeruzgi 3:10

Mzimu wa Ambuya unguza paku iyo, ndipo wangweruzga Yisraele; wanguya ku nkhondo, ndipo Ambuya angupereka Kushani-rishataimu karonga waku Mesopotamia mu janja lake, ndipo janja lake lingupunda paku Kushani-rishataimu.

Ŵeruzgi 3:12

Ndipo ŵaYisraele ŵanguwerezgapo kuchita uheni mu maso gha Ambuya, ndipo Ambuya angukhozga Egloni karonga wa Moabu kumikana ndi Yisraele, chifukwa ŵanguchita uheni mu maso gha Ambuya.

Ŵeruzgi 3:30

Viyo Moabu wangupundika zuŵa liya ndi janja laku Yisraele. Ndipo charu chingupumuwa kwavirimika machumi ghankhonde ndi ghatatu (80).

Ŵeruzgi 3:9

Kweni penipo ŵaYisraele ŵanguliliya ku Ambuya, Ambuya anguŵasoske muwombozi ŵaYisraele mweniyo wanguŵawombo, Otniele mwana waku Kenazi, muhurwa waku Kalebu.

Ŵeruzgi 5:31

“Viyo ndimu ŵamariya ŵakupindikana ŵinu, Ambuya mwe! Kweni mabwezi ghinu ghaŵe nge ndi lumwi lichituwa ndi nthazi yake.” Ndipo charu chingupumuwa virimika machumi ghanayi.

Ŵeruzgi 8:28

Viyo Midiyani wanguthereskeka ndi ŵaYisraele, ndipo kuti ŵanguwerezgapo matukutuku so cha. Ndipo charu chingupumuwa virimika machumi ghanayi (40) mu mazuŵa ghaku Gideoni.