Ŵeruzgi 21:4 - Tonga Bible 1986

⁴ Ndipo ndi mlenji ŵanthu ŵangusoka kwakuchelera, ŵanguzenga jochero penipa, ŵangupereka mipasku yakocha ndi mipasku ya chimangu.

Ŵeruzgi 21:4 ပူးပေါင်းရင်းမြစ်များ

2 Samuele 24:18

Ndipo zuŵa liya Gadi wanguza kwaku Davidi, wanguti, “Kwerani mukazenge jochero la sembe Ambuya pa mbuli waku Arauna muYebusi.”

2 Samuele 24:25

Ndipo Davidi wanguzenga jochero la Ambuya, ndi kupereka mipasku yakocha ndi mipasku ya chimangu. Viyo Ambuya anguvwa kuŵeyere pa chifukwa cha charu, ndipo chideru chingukanizgika mu ŵaYisraele.

1 ŴaKaronga 8:64

Mu zuŵa lenili pe karonga wangupatuwa pakatikati pa bwalo lo lenga paurongo pa nyumba ya Ambuya, chifukwa penipa wanguperekiyapo mpasku wakocha ndi mpasku wa ufwa ndi mathuŵi gha mafuta gha mpasku wa chimangu, pakuti chiguŵa cha sembe cha mkuŵa cho chenga paurongo pa Ambuya chenga chimana ukongwa kuronde mpasku wa kocha ndi mpasku wa ufwa ndi mathuŵi gha mafuta gha mipasku ya chimangu.

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,

Marangu 12:5

Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;

ŴaHebere 13:10

Te nacho chisoperu, paku chenicho ŵalive mtufu kurghapo ŵeniwo ŵachiteŵete chihema.

Ŵeruzgi 20:26

Sono ŵaYisraele wose, liŵanja lose la nkhondo, ŵangukwera ŵanguza ku Betele, ŵangutenje, ŵanguja pasi paurongo pa Ambuya, ŵangufunga kurgha zuŵa lose liya mpaka mazulo, ŵangupaska mipasku yakocha ndi mipasku ya chimangu paurongo pa Ambuya.

Ŵeruzgi 21:3

Ndipo ŵanguti, “Ambuya mwe, Chiuta waku Yisraele, chifukwa nchine mwachitika ichi mwaku Yisraele, kuti msana wale mtundu umoza usoŵe mwaku Yisraele?”

Ŵeruzgi 6:24

Sono Gideoni wanguzenga jochero penipa ku Ambuya, ndipo wangulidana, Ambuya nchimangu. Mpaka ku zuŵa line leche kuma pa Ofra, yo ngwa ŵa Abiezeri.

Ŵeruzgi 6:26

ndipo uzenge jochero Ambuya Chiuta wako pano pachanya pa linga, ndi mya mu mluliku wake; ndipo uto nkhuzi ya chiŵi, uyipereke mpasku wakocha pamoza ndi nkhuni zaku Ashera mweniyo ukadumuliyanga pasi.”

1 Samuele 7:17

Pavuli wanguwere ku Rama, pakuti nyumba yake yenga kweniko, ndipo ndikwenikuwa so ko waperekiyanga cheruzgu ku ŵaYisraele. Ndipo wanguzengako jochero la sembe la Ambuya.