Ŵeruzgi 20:5 - Tonga Bible 1986

⁵ Ndipo ŵanthu ŵamu Gibea ŵangundiyukiya, ndi ŵanguzinga nyumba mwenimo ndenga; khumbu lawo lenga la kundibaya ine, wanguchita chikwala mbiligha yangu, ndipo wakufwa.

Ŵeruzgi 20:5 ပူးပေါင်းရင်းမြစ်များ

ŴaLevi 18:24

“Mungajikazuzganga ndi chose chaku ivi cha; chifukwa mitundu yo ndidikiska paurongo pinu yikujikazuzga navyo.

Marangu 22:21

po ndipo wakatolenga mwali yo ku khomo la nyumba ya wiske. Ndipo ŵanthurumi ŵamu msumba wake ŵakamudinanga ndi mya mpaka wafwe, chifukwa wachita cha lilengu mu Yisraele pakuchita ureŵi mu nyumba ya wiske. Viyo mukapeyanga uheni mukati mwinu.

Marangu 22:24

sono muŵatuzgenge wose ŵaŵi kuza nawo ku likomo la msumba wuwa. Ndipo mukaŵadinanga ndi mya mpaka nyifwa, mwali yo chifukwa wengavi kukuta kuti wovyeke chingana wenga mukati mu msumba, munthurumi nayo chifukwa watimbanizga muwoli wa muzengezgani wake. Viyo mukapeyanga uheni mukati mwinu.

Yoswa 7:15

Ndipo yo wakakorekanga ndi vinthu vyakukanizgika wakawochekanga ndi moto, iyo mweneko pamoza ndi vyose vyo wenavyo, chifukwa waswa phanganu la Ambuya, ndi chifukwa chakuti wachita chinthu chachilengesku mu Yisraele.’ ”

Ŵeruzgi 19:22

Ndipo po wapumuwanga ndi kufwasa mtima, ehe, ŵanthu ŵankhaza ŵamu msumba wo ŵanguzinga nyumba yo ŵakugong'oska pa khomo, ŵanguti ku mweneko wa nyumba, “Mutuzge munthu yo waza mu nyumba yako, kuti timuziŵe.”

Ŵeruzgi 19:28

Wanguti kwaku iyo, “Soka, tirutenge.” Kweni pengavi kwamuka. Sono wangumujarika pa mbunda; ndipo wangusoka ndi wanguruta kwake.

Ŵeruzgi 20:4

Ndipo muLevi mrumi wa munthukazi yuwa wangubayika wanguti, “Ine ndinguza ku Gibea wa ŵina Benjamini, pamoza ndi mbiligha yangu, kuti ndigone pakuti kwenga usiku.