Ŵeruzgi 20:34 - Tonga Bible 1986

³⁴ Ndipo kunguza ŵakumikana ndi Gibea, vikwi chumi (10,000) ŵanthu ŵakusankhika ŵakutuwa mwaku Yisraele yose, ndipo nkhondo yinguŵa yinonono; ŵaBenjamini ŵengavi kuziŵa kuti uyowi wenga pafupi ndi iwo.

Ŵeruzgi 20:34 ပူးပေါင်းရင်းမြစ်များ

Jobu 21:13

Maumayo ghawo ngakusakata, mu chimangu, ŵasikiya ku muunda.

Nthanthi 29:6

Munthu wamphulupulu ngwakuthyika ndi utimbanizi wake, kweni munthu murunji watumba ndi wakondwa.

Nthanthi 4:19

Nthowa ya muheni ye uli ndi mdima wamunkhorwi; kuti ŵaziŵa cha chenicho ŵaguŵamo.

Wakutaula 9:12

Pakuti munthu kuti waziŵa nyengo yake cha. Ulaka nge ndi somba zo zakoreka mu chirepa chiheni, ndipo nge nthuyuni to twawira muchiŵana, viyo ŵana ŵa ŵanthu ŵakuwiya mu nyengo yiheni, po yituŵawiya kwa mabuchibuchi.

Yesaya 47:11

Kweni chiheni chikakuziyanga, chenicho kuti ungachiŵeyerere cha; soka likakuwiyanga, lenilo kuti ungaziŵa kuliŵeyerere cha; ndipo phasulu likazanga paku iwe kwa mabuchibuchi, lenilo kuti utiliziŵa cha.

Mateyu 24:44

Chifukwa chenichi imwe namwe muŵe ŵakurongosoleka: chifukwa Mwana wa munthu wazenge mu ora lenilo mulive kurunguruka.

Luka 21:34

“Kweni jichenjeriyeni, vinu yingavimbirwa mitima yinu ndi mgutu, ndi vinyo mukari ndi maphuruputiro gha chijariyu chino, ndi zuŵa liya lingamuwiyani kwamabuchibuchi;

1 ŴaTesalonika 5:3

Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha.

Yoswa 8:14

Wanguti wawona ichi karonga waku Ai, iyo pamoza ndi ŵanthu ŵake wose ŵanthurumi mu msumba wuwa, ŵangutinthimika ŵangutuwa ndi mlenjilenji kuruta kusendemu kurazga ku Araba, kwachikumana, ndi kurwana ndi ŵaYisraele; kweni ŵengavi kuziŵa kuti nkhondo yinyake yabisama kuvuli kwa msumba.

Ŵeruzgi 20:35

Ndipo Ambuya anguthereska Benjamini paurongo paku Yisraele; ndipo ŵaYisraele ŵangubaya ŵaBenjamini vikwi machumi ghaŵi ndi vinkhonde, pachanya machumi pe chumi (25,100) zuŵa liya, wose yaŵa ŵenga ŵanthu ŵakusolo lipanga.