Ŵeruzgi 20:23 - Tonga Bible 1986

²³ Ndipo ŵaYisraele ŵangukwera ndi ŵanguliliya paurongo pa Ambuya mpaka ku mazulo, ŵangufumbiriya ku Ambuya, “Kumbi tikanderenga so kufupi kwachirwana nkhondo ndi ŵebali ŵidu ŵaBenjamini?” Ambuya anguti, “Rutani karwaneni nawo.”

Ŵeruzgi 20:23 ပူးပေါင်းရင်းမြစ်များ

2 Samuele 3:35

Sono pavuli khamu lo lingumuchichizga Davidi kuti warghe chiŵande kweche msana kweni Davidi wangurapa, wanguti, “Chiuta wandilange ndipo wasazgiyepo so, asani ndesenge chiŵande pamwenga kakurgha ke kose mpaka po lumwi lalasere.”

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,

Yoswa 7:6

Sono Yoswa wanguparuwa vyakuvwara vyake, ndipo wanguwa pasi kavunama paurongo pa bokosi la Ambuya mpaka mazulo iyo pamoza ndi ŵaraŵara ŵa ŵaYisraele; ndipo ŵangujidiya fuvu ku mitu yawo.

Yoswa 7:7

Ndipo Yoswa wanguti, “Owe, Ambuya Chiuta, na chifukwa nchine mwambuska ŵanthu yaŵa pa Yordane, kuzachitipereka mu manja gha ŵa Amori, kutimara? Kwenga kwamampha tatinge tikhorwenge kuja kusirgha ku Yordane!

Ŵeruzgi 1:1

Pavuli pa nyifwa yaku Yoswa ŵanthu ŵangufumba ku Ambuya, “Ndiyani yo wakadanganga kutikwere ifwe kwachimikana ndi ŵaKanani kurwana nawo?”

Ŵeruzgi 20:18

ŴaYisraele ŵangusoka ndi ŵanguruta ku Betele, ŵangufumbiriya kwaku Chiuta, “Ndiyani waku ifwe yo wadangenge kuruta ku nkhondo kwachirwana ndi ŵaBenjamini?” Ndipo Ambuya anguti, “Yuda ndiyo wadangenge kukweriyako.”

Ŵeruzgi 20:22

Kweni ŵaYisraele ŵangulimba mtima, ndipo ŵanguwerezgapo kuchita so mzere wa nkhondo mu malo ghenigha ŵangumamo pa zuŵa lakudanga.

Ŵeruzgi 20:24

Viyo ŵaYisraele ŵangundere kufupi kumikana ndi ŵina Benjamini zuŵa la chiŵi.

Ŵeruzgi 21:2

Ndipo ŵanthu ŵanguza ku Betele, ŵanguja pasi mpaka ku mazulo paurongo paku Chiuta, ŵangusoska mazu ndi ŵangutenje kwakuŵaŵa.

1 Samuele 10:3

Mwamurutiyapo mwamufika pa muti wamu Taboro; po mwamukumana ndi ŵanthu ŵatatu wo ŵarata kwaku Chiuta pa Betele, yumoza wapinga twana twa mbuzi tutatu, munyake wapinga maburunga ghatatu gha viŵande, munyake wapinga vinyo mu thumba la chikopa.

1 Samuele 11:4

Mathenga ghanguti ghafika ku Gibea kwaku Sauli, ndi kukamba makani yagha mumakutu gha ŵanthu; ŵanthu wose ŵanguliya ukongwa.

1 Samuele 7:6

Viyo ŵanguwunjikana pa Mizpa, ndipo ŵangunegha maji ŵangughadira paurongo pa Ambuya, ŵangufunga zuŵa liya, ndipo penipa ŵanguti, “Tanangiya Ambuya.” Ndipo Samuele wangweruzga ŵaYisraele pa Mizpa.