Ŵeruzgi 20:21 - Tonga Bible 1986

²¹ ŴaBenjamini ŵangutuwa mu Gibea, ndipo ŵangubayiya pasi zuŵa liya ŵanthu vikwi machumi ghaŵi ndi viŵi (22,000) vya ŵaYisraele.

Ŵeruzgi 20:21 ပူးပေါင်းရင်းမြစ်များ

Chiyambo 49:27

“Benjamini ndi mphumphi yakuŵenkha, ndi mlenji yiturgha nyama, ndipo ndi mazulo wagaŵa vyakuskowa.”

2 Mikoka 28:10

Ndipo sono mukhumbakuŵathereska ŵanthu ŵaku Yuda ndi ŵaku Yuda ndi ŵaku Yerusalemu, ŵanthurumi ndi ŵanthukazi nge mbaŵanda ŵinu. Kumbi mulivi uheni imwe wo mwanangiya Ambuya Chiuta winu?

Sumu 33:16

Palivi karonga wakutaskika ndiukuru wa nkhondo yake; ngwazi kuti yingataskika chifukwa cha nthazi yake yikuru cha.

Sumu 77:19

Mungwenda mu zinyanja mungwambuka nyanja zikuru, kweni mo mungukanda kuti munguwoneka rwayo cha.

Sumu 78:62

Wangukalipa ndi ŵanthu ŵapa mtima wake, ndipo wanguŵapereka kuti ŵabayike ndi ŵarwani ŵawo.

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Hoseya 10:9

O! Yisraele wananga kwamba mu mazuŵa ghaku Gibeya; ndipo kwenikuwa ŵarutiriya. Kumbi nkhondo kuti yiŵasaniyenge cha mu Gibeya?

Marangu 23:9

“Muchiruta kwachikumana ndi ŵakupindikana ŵinu penipo mwe mu ugoŵi, sono mukajituzgangako ku chinthu chose chiheni.

Ŵeruzgi 20:20

ŴaYisraele ŵanguruta ku nkhondo kumikana ndi Benjamini; ŵangundanda mu mzere wa nkhondo kumikana nawo pa Gibea.

Ŵeruzgi 20:22

Kweni ŵaYisraele ŵangulimba mtima, ndipo ŵanguwerezgapo kuchita so mzere wa nkhondo mu malo ghenigha ŵangumamo pa zuŵa lakudanga.

Ŵeruzgi 20:25

Benjamini nayo ŵanguruta so kwachirwana nawo ndipo ŵangubayiya pasi, vikwi chumi pachanya vinkhonde ndi vitatu (18,000) vya ŵanthu ŵaku Yisraele; yaŵa wose ŵenga ŵanthu ŵakuziŵa kurwa.