Ŵeruzgi 20:2 - Tonga Bible 1986

² Ndipo mafumu gha ŵanthu wose, gha mafuku ghose ghaku Yisraele, ŵangujirongo ŵija mu unganu wa ŵanthu ŵaku Chiuta vikwi machumi pe chumi, ghanayi (400,000) ŵakwenda pasi ŵakuwewepuwa lipanga.

Ŵeruzgi 20:2 ပူးပေါင်းရင်းမြစ်များ

2 Samuele 14:13

Munthukazi wanguti, “Na chifukwa nchine imwe mwaghanaghana chinthu ichi kumikana ndi khamu laku Chiuta? Pakuti pakupereka cheruzgu ichi karonga watijimanga mweneko, po pose karonga wareke kumuwezge pa nyumba wakuthaŵa yo.

2 Samuele 24:9

Ndipo Yoabu wangupereka unandi wa ŵanthu ku karonga: mu Yisraele mwenga ŵanthurumi vinkhara ŵakuko lipanga vikwi machumi pe chumi ghankhonde ndi ghatatu, (800,000) ŵaku Yuda ŵenga vikwi machumi pe chumi ghankhonde (500,000).

2 ŴaKaronga 3:26

Penipo karonga wa Moabu wanguwona kuti nkhondo yamuvivya, wangutole pamoza nayo ŵanthurumi ŵakuko malipanga machumi pe chumi nkhonde ndi ghaŵi kuti ŵaporote pakutghana ndi karonga wa Edomu, kweni wangutondeka.

Yoswa 22:12

ŴaYisraele ŵanguti ŵavwa ichi, wumba wose wunguwungana pa Shilo kuti ŵachite nawo nkhondo.

Ŵeruzgi 20:15

Ndipo ŵaBenjamini ŵanguŵerenga kutuwa mu misumba yawo pa zuŵa leniliya ŵanthu vikwi machumi ghaŵi ndi vinkhonde ndi chimoza (26,000) ŵakuko lipanga, pade pa ŵakuja mu Gibea, wo ŵanguŵerengeka ŵanthu ŵakusankhika pe machumi pe chumi ghankhonde ndi ghaŵi (700).

Ŵeruzgi 20:17

Ndipo ŵaYisraele, ŵapade kwaku Benjamini, ŵanguŵerenga ŵanthu vikwi machumi pe chumi ghanayi (400,000) ŵakusolo lipanga; wose yaŵa ŵenga ŵakuziŵa nkhondo.

Ŵeruzgi 20:3

(Sono ŵina Benjamini ŵanguvwa kuti ŵaYisraele ŵaruta ku Mizipa.) Ndipo ŵaYisraele ŵanguti, “Tinene, uheni uwu unguza uli?”

Ŵeruzgi 8:10

Sono Zeba ndi Zalmuna ŵenga mu Karkoro pamoza ndi liŵanja lawo la nkhondo, akhumba ŵanthu vikwi chumi ndi vinkhonde (15,000), ŵeniwo pe ndi wo ŵangujapo ŵaliŵanja la nkhondo la ŵanthu ŵakuvuma; pakuti vikwi machumi pe chumi ndi machumi ghaŵi (120,000) wo ŵenga ŵakuko malipanga ŵangubayika

1 Samuele 11:8

Po wanguti waŵaŵerenga pa Bezeke, ŵaYisraele ŵenga vikwi machumi pe chumi ghatatu (300,000), ŵaku Yuda ŵenga vikwi machumi ghatatu (30,000).