Ŵeruzgi 2:17 - Tonga Bible 1986

¹⁷ Ndipuuli, kuti ŵanguvwiya ŵeruzgi ŵawo cha; pakuti ŵangusomphorwa ku ŵachiuta ŵanyake ŵanguŵalambiya; ruŵiruŵi ŵangupatuka mu nthowa yo auskeu ŵangwendamo, wo ŵanguvwiya marangu gha Ambuya, kweni iwo kuti ŵanguchita viyo cha.

Ŵeruzgi 2:17 ပူးပေါင်းရင်းမြစ်များ

Sumu 106:39

Ŵangujikazuzga ndimachitiru ghawo, ndipo kwaku Chiuta ŵenga ŵambura magomezgeka.

Sumu 106:43

Panandi anguŵapozomoska, kweni ŵenga ŵachigaruka mu nchitu zawo, ndipo ŵangusiskikiya pasi chifukwa cha uheni wawo.

Sumu 73:27

Chifukwa awonani, wose wo wapata imwe ŵakafwanga, ndipo mukaparghang'anga wose wo ŵalivi chigomekezgu mwaku imwe.

Chituwa 32:8

Ŵapatuka ruŵi-ruŵi kutuwa mu nthowa yo ndinguŵalanguliya ŵajichitiya thole la ng'ombe yakuwumbika, ndipo ŵalilambiya ndi ŵalipaska sembe, ndipo ŵakati, ‘Yaŵa mbachiuta ŵinu, mwa ŵaYisraele ŵeniwo ŵangumutoliyani kuno kutuwa mu charu cha Egipiti.’ ”

Yeremiya 3:6

Ambuya anguti kwaku ine, mu mazuŵa ghaku Josiya: “Kumbi wawona chenicho wanguchita Yisraele, wambura magomekezgeka, mwenimo wangukwere pa mapiri ghose ghatali, mo wangujariya pasi musina mu muti wose uŵisi, ndi mwenimu wanguchita ureŵi?

Yeremiya 6:16

Viyo atiti Ambuya: “Mani mu zinthowa, ndipo lereskani, fumbani nthowa za mwaka, ko kwe nthowa yamampha; ndipo mwende mwaku yeniyo! Ndipo musaniye chipumulu cha mizimu yinu. Kweni iwo ŵanguti, ‘Kuti tendenge mwaku yo cha.’

Hoseya 2:2

“Mususkani ndi nyinamwe, suskani chifukwa ndi muwoli wangu cha, nane kuti ndi murumi wake cha. Kuti watuzgepo ureŵi pa maso pake, ndi ureŵi pakati pa maŵe ghake.

ŴaLevi 17:7

Viyo kuti ŵakabayiyanga so sembe zawo ku vikozgu cha, kwaku vyo ŵagarukiyako. Ili likaŵanga langulu muyaya kwaku wo mu migonezi yawo yose.

Amosi 2:4

Viyo atiti Ambuya: “Chifukwa cha maulakwi ghatatu ghaku Yuda, ndi wachinayi, kuti ndiwezgenge kulangika kwake cha; chifukwa ŵakukana dangu la Ambuya, ndipo kuti ŵasunga virungu chizgu vyake cha, kweni mautesi ghawo gha ŵapuruska, ghenigho auskeu ŵangugharondo.

ŴaGalatia 1:6

Ndizizwa kuti musamako viyo ruŵi kwaku mweniyo wangumdanani ndi wezi waku Kristu,

Marangu 31:16

Ndipo Ambuya anguti kwaku Mosese, “Ehe, we pafupi kura pamoza ndi ausu, sono yaŵa ŵanthu ŵakayukanga ndi kurondo ŵachiuta ŵalendo ŵa charu ichi, kweniko ŵakarutanga kwachiŵa mukati mwawo. Wakandisiyanga ine, ndi kuswa phanganu langu lo ndingupangana nawo.

Marangu 31:18

Ndipo kwakuneneska ndikabisanga chisku changu mu zuŵa lo, chifukwa cha mauheni ghose gho ŵachita pakuti ŵang'anamukiya ku ŵachiuta ŵalendo.

Marangu 9:12

Viyo Ambuya anguti kwaku ine, ‘Yuka, sika ruŵi kutuwa pano pakuti ŵanthu ŵako wo waŵatuzga mu Egipiti ŵarakwa, ŵapatuka ruŵiruŵi kutuwa ku nthowa yo ndinguŵalanguliya, ŵajipangiya chikozgu chakusongono.’

Marangu 9:16

Ndipo ndingulereska, ndipo munguŵanangiya Ambuya Chiuta winu. Mungujipangiya thole lakusongono. Mungupatuka ruŵiruŵi kutuwa ku nthowa ya Ambuya yo angumulanguliyani.

Yoswa 24:24

Ŵanthu ŵanguti kwaku Yoswa, “Ambuya Chiuta widu ndiyo titataliyenge ndipo tikavwiyanga mazu ghake.”

Yoswa 24:31

Yisraele wangutataliya Ambuya mu nyengo yose ya umoyo waku Yoswa, ndi mu mazuŵa ghose gha ŵara wo ŵenga ŵamoyo kurutiliya paku Yoswa wo ŵanguziŵa nchitu zose zo Ambuya anguchitiya Yisraele.

Ŵeruzgi 2:7

Ndipo ŵanthu ŵangutataliya Ambuya mu mazuŵa ghose ghaku Yoswa, ndi mu mazuŵa ghose gha ŵaraŵara wo ŵanguŵa ndi umoyo wati wafwa Yoswa, wo ŵanguwona nchitu zikuru zo Ambuya anguchitiya Yisraele.

Ŵeruzgi 8:33

Wati wafwa Gideoni, ŵaYisraele ŵangung'anamuka so ŵanguchita uheni wakundondoloska ŵaBala, ndipo ŵanguchita Bala-beriti kuŵa chiuta wawo.

1 Samuele 12:12

Ndipo po munguwona Nahashi karonga wa Amoni wachiza kumikana namwe mungundinene kuti, ‘Awa, tikumba karonga pachanya pidu,’ penipo Ambuya Chiuta winu ndiyo wenga karonga winu.

1 Samuele 12:17

Asi nchivuna cha trigu msana wale? Ndidanenge ku Ambuya, mwakuti atumi chidiririzi ndi vuwa; ivi viziŵiskenge imwe kuti uheni winu ngukuru ukongwa, wo mwachita mu maso gha Ambuya, pakujipemphe imwe mwija karonga.”

1 Samuele 12:19

Sono ŵanthu ŵangunena ndi Samuele, “Tirombe taŵateŵeti ŵako ku Ambuya Chiuta wako, kuti tireke kufwa; pakuti tasazgiyako uheni uwu nawo ku mauheni ghidu ghanandi, pakujipemphe karonga.”