Ŵeruzgi 2:15 - Tonga Bible 1986

¹⁵ Penipo pose ŵangwenda janja la Ambuya lingumikana nawo kuŵachitiya uheni, nge ndimo Ambuya anguŵachenjezge, ndipo uli ndimo Ambuya angurapiya kwaku wo; ndipo ŵenga mu kuŵaŵa kwakufinyirizgika.

Ŵeruzgi 2:15 ပူးပေါင်းရင်းမြစ်များ

2 Mikoka 12:1

Ndipo unguti wakhozgeka ufumu waku Rehoboamu ndi nthazi zikuru wangujowo dangu la Ambuya, ndi Yisraele yose pamoza nayo.

Yeremiya 18:8

ndipo asani mtundu wuwa ndakambiyapo, uweko ku uheni wake, po ndipo ndikang'anamukangako ku uheni weniwo ndatinge ndiuchitiyenge.

Yeremiya 21:10

Pakuti ndalereska chisku changu pa msumba uwu kuwuchitiya uheni umampha cha, atiti Ambuya: ukapaskikanga mu janja la karonga wa Babiloni, ndipo wakawochanga ndi moto.’

Yeremiya 44:11

“Chifukwa cho atiti Ambuya ŵa maŵanja, Chiuta waku Yisraele: Ehe, ndikalazganga chisku changu paku imwe kumikana namwe pa uheni, kudumuwako Yuda yose.

Yeremiya 44:27

Ehe, ndituŵalereske pa uheni, pa umampha cha; ŵanthu wose ŵaYuda wo ŵemu charu cha Egipiti ŵakamaranga ndi lipanga ndi chilala, mpaka penipo ŵamara wose.

Mika 2:3

Chifukwa ichi, viyo atiti Ambuya: Ndirunguruka chiheni kumikana ndimbumba iyi, kwaku chenicho kuti muziŵa kuwezgako masingo ghinu cha; ndipo kuti mukayendanga kwakujikuzga cha, pakuti yikaŵanga nyengo ya uheni.

2 ŴaKorinte 4:8

Mosemose te ŵakusuzgika, kweni kuti te ŵakufyekeka cha; te ŵakutimbanizgika, kweni ŵakutondeka cha;

Marangu 18:20

Kweni mchimi mweniyo wakabwetuwanga mazu mu zina langu ghenigho ine ndilivi kumutuma kuti wakambe, pamwenga mweniyo wakambiyenge mu zina la ŵachiuta ŵamwenga, mchime mweniyo wakafwanga.’

Ŵeruzgi 10:9

Ndipo Amoni wangwambuka Yordane kwachirwa so ndi Yuda, ndi Benjamini, ndi kumikana ndi nyumba yaku Efraimu; viyo kuti Yisraele wanguyuzgika kwakuŵaŵa.

Ruti 1:13

Kumbi imwe mungaŵalindizga mpaka ŵakuwe? Kumbi mungajikanizga kuŵirwa? Awa mwa ŵana ŵangu nde wakupwetekeka limu mu mtima chifukwa chaku imwe, kuti janja la Ambuya la tambarukiya paku ine kundisuzga.”

1 Samuele 12:15

kweni asani murekenge kuvwiya mazu gha Ambuya, ndi kuthaŵako ku marangu gha Ambuya, janja la Ambuya liŵenge lakumikana namwe, imwe ndi karonga winu.

1 Samuele 13:6

ŴaYisraele ŵanguti ŵawona kuti ŵafinyikizgika pakuti ŵangunyekezgeka ukongwa, ŵangubisama mu zimphanji, mu majarawi, mu masano, ndi mu zingarande,

1 Samuele 14:24

ŴaYisraele ŵangusuzgika zuŵa liya; pakuti Sauli wangurapa rapu pa ŵanthu lakuti, “Watembeke munthu yo warghenge kurgha mpaka mazulo, mwakuti ndidange ndawezge nduza ŵarwani ŵangu.” Ndipo viyo pengavi munthu yo wangweska kurgha.

1 Samuele 30:6

Davidi wanguŵa ndi chitima ukongwa pakuti ŵanthu wo ŵakambanga kuti amupong'e ndi mya, chifukwa khamu lose lingupwetekeka mtima, munthu yose pakughanaghana ndi ŵana ŵake ŵanthurumi ndi ŵanthukazi. Kweni Davidi wangujikhwimiska mu Ambuya Chiuta wake.