Ŵeruzgi 19:22 - Tonga Bible 1986

²² Ndipo po wapumuwanga ndi kufwasa mtima, ehe, ŵanthu ŵankhaza ŵamu msumba wo ŵanguzinga nyumba yo ŵakugong'oska pa khomo, ŵanguti ku mweneko wa nyumba, “Mutuzge munthu yo waza mu nyumba yako, kuti timuziŵe.”

Ŵeruzgi 19:22 ပူးပေါင်းရင်းမြစ်များ

1 ŴaKaronga 21:10

Ndipo mumike ŵanthu ŵatesi ŵaŵi ŵakumikana nayo, ndipo yaŵa ŵampaske mulando, kunena kuti, ‘Iwe watuka Chiuta ndi karonga.’ Pavuli mumutuzge, mumudine ndi mya kuti wafwe.”

Ezekiele 16:46

Ndipo muku wako mura ndi muSamaria, yo wajanga ndi ŵana ŵake ŵanthukazi kuchiri ku nkhonde; muhurwa wako, yo wajanga kuchiri ku malaŵi, ndi ŵana ŵake ŵanthukazi ndi muSodomu.

Hoseya 10:9

O! Yisraele wananga kwamba mu mazuŵa ghaku Gibeya; ndipo kwenikuwa ŵarutiriya. Kumbi nkhondo kuti yiŵasaniyenge cha mu Gibeya?

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

1 ŴaKorinte 6:9

Pamwenga asi muziŵa kuti ŵaziraurunji kuti ŵakaharanga ufumu waku Chiuta cha? Mungarandizgika cha: ŵareŵi, chingana mbakusopangoza, chingana mbarowozi, chingana mbauyaya, chingana mbakura ndi ŵanthurumi,

2 ŴaKorinte 6:15

Ndipo ŵayana uli Kristu ndi Beliale? Pamwenga ngane masanga gha ŵachivwanu ndi ŵambura chivwanu?

Marangu 13:13

kuti ŵanthurumi ŵaŵaka ŵanyake ŵatuwa mukati mwinu ndi kulandizga ŵanthu ŵamu msumba kuti, ‘Tiyeni tikateŵete ŵachiuta ŵanyake,’ wo mulivi kuŵaziŵa,

Yuda 1:7

Uli ndimo Sodomu ndi Gomora, ndi misumba yakuzunguliya, pakujipereke ku maureŵi kwakukozgana nawo, ndi pakusaka uyaya wakutimbang'a vyakawi, ŵaŵikikiya nge nchirongoleru, ndi kulangikiya ku chisusa cha moto wamuyaya.

Ŵeruzgi 16:25

Ndipo po mitima yawo yasekerenga wanguti, “Kamutoni Samsoni, wazitisekeskepo.” Viyo ŵangwachimuto Samsoni ku nyumba ya ukaidi, ndipo wangusekeska paurongo pawo. Wangumumika pakati pa mizati;

Ŵeruzgi 20:5

Ndipo ŵanthu ŵamu Gibea ŵangundiyukiya, ndi ŵanguzinga nyumba mwenimo ndenga; khumbu lawo lenga la kundibaya ine, wanguchita chikwala mbiligha yangu, ndipo wakufwa.

Ŵeruzgi 20:6

Ndipo ndinguto mbiligha yangu ndinguyidumuwa mathuŵi mathuŵi, ndingughatuma ku charu chose cha chihara chaku Yisraele; pakuti ŵakuchita ukazuzi ndi uvumbwa mu Yisraele.

1 Samuele 1:16

Rekani kundipimiya ndamuŵanda-munthukazi winu nge ndi munthukazi muheni, chifukwa mu unandi wa marunguruku ghangu ndi kumphweneskeka kwa mtima ndirongoro mpaka kunu ku sono.”

1 Samuele 10:27

Kweni ŵanyake wo wengavi kwenere ŵatinge, “Watitaskenge uli munthu uyu?” Ŵangumuyeya ndipo kuti ŵangumuziya ndi vyawanangwa cha. Kweni iyo wanguja chete.

1 Samuele 2:12

Ŵana ŵaku Eli ŵenga ŵanthu ŵambura kwenere; ŵengavi kuchitiya ulemu Ambuya.

1 Samuele 25:25

Wareke mbuyangu, kuphwere munthu wa umoyo uheni uyu Nabala; pakuti mo liliri zina lake, ndimu waliri ndi iyo mweneko; Nabala ndi zina lake, ndipo we nako kupusa kukuru; kweni ine ndamteŵeti munthukazi, winu kuti ndi nguŵawona ŵanyamata wo mungutuma cha.