Ŵeruzgi 19:17 - Tonga Bible 1986

¹⁷ Ndipo wanguwona mlendo pa luluwa la msumba, doda ili linguti, “Mutapani? Ndipo mutuliya pani?”

Ŵeruzgi 19:17 ပူးပေါင်းရင်းမြစ်များ

Chiyambo 16:8

Ndipo iyo wanguti, “Hagara, muŵanda munthukazi waku Sarai, watuwa pani, ndipo utiya pani?” Iyo wanguti, “Ndithaŵa ku mbuyangu Sarai.”

Chiyambo 32:17

Wanguchinyiya ŵa panthazi ukongwa, “Asani Esau muku wangu wakumana namwe, ndipo watukufumbani, ‘Mwe ŵakuyani? Mutiya pani? Ndipo vyakuyani vyo mwalongozga?’

2 Samuele 12:4

Sono ku musambasi yuwa kunguza mlendo, ndipo kuti wangunkhumba cha kutopo kamoza ka viŵeto vyake kunozge mlendo yo wangumufikiya, kweni wanguto kamberere kamukavu yuwa, kunozge munthu yo wanguza kwake.”

Yesaya 33:8

Ŵagurwe ŵakuwuwa, ŵakwendamo ŵakureka. Mapanganu ghakusweka, ŵakaboni ŵatozeka, palivi kuphwere munthu.

Yeremiya 14:8

Imwe ndimwe Yisraele wagomezga, wakumutaska mu nyengo ya suzgu, chifukwa chine imwe muŵenge nge ndi mlendo mu charu chidu, ulaka ndi mwenda nthowa yo wapatuka kugone waka usiku?

Ŵeruzgi 19:16

Ndipo awonani, doda latuwanga ku nchitu yake ku munda ndi mazuluvi, munthu uyu wangutuliya ku charu cha mitunthu chaku Efraimu ndipo wajanga mu Gibea; ndipo ŵanthu ŵa malo gho ŵenga ŵaBenjamini.

Ŵeruzgi 19:18

Iyo wanguti, “Te ŵamwenda nthowa tituwa ku Betelehemu waku Yuda tita ku vigaŵa vya charu cha mitunthu chaku Efraimu, nde wakwenikuwa; ndinguya ku Betelehemu waku Yuda; sono ndi were kwidu; kweni pano palivi yo watinditole mu nyumba yake.