Ŵeruzgi 19:16 - Tonga Bible 1986

¹⁶ Ndipo awonani, doda latuwanga ku nchitu yake ku munda ndi mazuluvi, munthu uyu wangutuliya ku charu cha mitunthu chaku Efraimu ndipo wajanga mu Gibea; ndipo ŵanthu ŵa malo gho ŵenga ŵaBenjamini.

Ŵeruzgi 19:16 ပူးပေါင်းရင်းမြစ်များ

Chiyambo 3:19

Ukarghanga chiŵande, mu dukutira la chisku chako mpaka penipo uweriyenge ku nyata. Pakuti ungutoleka mwenimo; ndiwe fuvu, ndipo ukaweriyanga ku fuvu.”

Sumu 104:23

Sono ŵanthu ŵatuliya ku nchitu zawo, ŵatakataka mpaka mazulo.

Sumu 128:2

Mukarghanga vipasi vya nchitu ya manja ghinu; kukamuŵiyaninga umampha, ndipo mukakondwanga.

Nthanthi 13:11

Uromba wakuwutole pa befu ukamaranga, kweni mweniyo waunjika kamanakamana wawandaniskenge.

Nthanthi 14:23

Mu kutakataka kose mwechanduwu, kweni kurongoro ŵaka kupaska ŵaka kukhumbira.

Nthanthi 24:27

Rongosole kubwalo nchitu yako ujirongosole vyose vyaku muunda, ndipo pavuli pake uzenge nyumba yako.

Wakutaula 1:13

Ndipo ndingupereka mtima wangu kupenja ndi kusanda mwa zeru vyose vyo vichitika pasi pa mtambo; ndi nchitu yambura kukondweska yo Chiuta wapereka ku ŵana ŵa ŵanthu kuti ŵasuzgike nayo.

Wakutaula 5:12

Twakunowa nthulo twa wakutakataka, kaya waturgha vimana pamwenga vinandi; kweni kuguta kwa musambasi kuti kukamugoneskanga tulo cha.

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

ŴaEfeso 4:28

Wakuba yo wangawerezgapo kuba so cha: kweni ukongwa watakatake, ndi kutataliya ndi manja ghake cho nchamampha, alinga kuti waparauliye yo ngwakusawuka.

2 ŴaTesalonika 3:10

Chifukwa penipo napo tenga kwinu, talanguliyanga imwe chenichi, kuti, Asani yumoza wareka kukhumba kutata mlimu, ipu wareke kurgha.

Ŵeruzgi 19:1

Mu mazuŵa gha, penipo mwengavi karonga mu Yisraele, muLevi yumoza wayingayinganga mu malo gha kutali gha charu cha mitunthu chaku Efraimu, mweniyo wangujitole mbiligha ku Betelehemu waku Yuda.

Ŵeruzgi 19:14

Viyo ŵanguruta mu nthowa yawo; ndipo lumwi lingusere ŵachiŵa pafupi ndi Gibea, waku Benjamini,

Ŵeruzgi 19:15

ndipo ŵangupatukiya mwenimuwa, kwachisere ndi kugona mu Gibea. Ŵangusere ndi ŵanguja pasi pa luluwa la msumba; pakuti pengavi munthu wanguŵato kuŵaserezga mu nyumba yake kuti ŵagonemo.

Ŵeruzgi 19:17

Ndipo wanguwona mlendo pa luluwa la msumba, doda ili linguti, “Mutapani? Ndipo mutuliya pani?”