Ŵeruzgi 19:12 - Tonga Bible 1986

¹² Ndipo mbuyake wanguti, “Kuti tingapatukiya mu msumba wa ŵalendo, wo kuti mbamoza ndi ŵaYisraele cha; kweni tikarutiriyanga mpaka ku Gibea.”

Ŵeruzgi 19:12 ပူးပေါင်းရင်းမြစ်များ

Yesaya 10:29

wambuka pa fita, wagona pa Gebe ndi usiku, Rama watenthema, Gibea waku Sauli wathaŵa.

Hoseya 5:8

Mbani mbata mu Gibeya, ndi lipenga mu Rama. Kamburani mu Betavene; tenthema, iwe Benjamini.

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

Yoswa 18:25

Gibeoni, Rama. Beroto.

Yoswa 18:28

Zera, Haelefe, Yebusi (yo ndi Yerusalemu), Gibea, ndi Kiriata-jearimi, misumba chumi ndi yinayi ndi mizi yake. Ichi nchihara cha fuku laku Benjamini kwakuyana ndi mbumba yake.

Ŵeruzgi 19:11

Po ŵanguŵandika ku Yebusi lumwi linguruta, ndipo mteŵeti wanguti ku mbuyake “Tiyeni, tipatukiye ku msumba uwu wa ŵaYebusi tigone mwenumu.”

Ŵeruzgi 19:13

Ndipo wanguti ku mteŵeti wake, “Zaninga tiyeni tindere kufupi ku malo ghamoza gha malo yagha, ndi tigone mu Gibea pamwenga mu Rama.”

1 Samuele 10:26

Sauli nayo wanguruta ku nyumba yake ku Gibea, ndi pamoza nayo ŵanthu ŵanthazi wo Chiuta wangukwaska mitima yawo.

1 Samuele 13:2

Sauli wangusankha ŵaYisraele vikwi vitatu (3,000); vikwi viŵi (2,000) ŵenga ndi Sauli mu Mikimasi, ndi mucharu cha mapiri cha Betele, ndi chikwi chimoza (1,000) ŵanga ndi Jonafani mu Gibeya waku Benjamini; ndipo wangutuma ŵanthu ŵanyake ŵakujapo ku muzi, munthu we yose ku hema lake.