Ŵeruzgi 19:1 - Tonga Bible 1986

¹ Mu mazuŵa gha, penipo mwengavi karonga mu Yisraele, muLevi yumoza wayingayinganga mu malo gha kutali gha charu cha mitunthu chaku Efraimu, mweniyo wangujitole mbiligha ku Betelehemu waku Yuda.

Ŵeruzgi 19:1 ပူးပေါင်းရင်းမြစ်များ

Chiyambo 22:24

Ndipo so chidandanu chake, yo zina lake wenga Rauma, wangupapa Teba, Gahama, Tahasha, ndi Maka.

Chiyambo 25:6

Kweni ku ŵana ŵavidandanu vyake wangupaska vya ulera, ndipo wachalipo wamoyo wanguŵatuzgako ku mwana wake Yisaki, wanguŵatuma kuchiri ku vuma ku charu cha kuvuma.

Chiyambo 35:19

Viyo Rakelo wangufwa ndipo wanguŵikika pa nthowa yakuya ku Efrata (yo ndi Betele),

2 Samuele 16:22

Sono wangutandika hema pachanya pa bagha laku Absalomu; ndipo Absalomu wangusere mu mbiligha za awiske pa maso gha ŵaYisraele wose.

2 Samuele 19:5

Sono Yoabu wangusere mu nyumba ku karonga wanguti, “Mwachitiska soni visku vya ŵanyamata ŵinu msana wale, wo ŵataska umoyo winu, ndi umoyo wa ŵana ŵinu ŵanthurumi ndi ŵana ŵinu ŵanthukazi, umoyo wa ŵawoli ŵinu ndi mbiligha zinu.

2 Samuele 20:3

Ndipo Davidi wanguza ku nyumba yake ku Yerusalemu, karonga wanguto mbiligha ziya wangusiya kuti zisungenge nyumba, wanguŵaŵika mu nyumba pasi pa ŵalonda wanguŵapaska kurgha, kweni kuti wangusere kwaku wo cha. Viyo ŵangujaririka mpaka zuŵa la nyifwa yawo, ŵajanga ulaka nge ndi vyoko.

2 Samuele 3:7

Sono Sauli wenga ndi mbiligha, zina lake lenga Rizpa, mwana munthukazi waku Aiya; ndipo Ishiboshete wangunena ndi Abnere, “Chifukwa nchine wachisere mu mbiligha ya ada?”

2 Samuele 5:13

Ndipo Davidi wanguto mbiligha zinandi, ndi ŵawoli mu Yerusalemu, wati waza kutuwa ku Hebroni, ndipo ŵana ŵanthurumi ndi ŵana ŵanthukazi ŵangupapika kwaku Davidi.

1 ŴaKaronga 11:3

Wenga ndi ŵawoli machumi pe chumi ghankhonde pachanya ghaŵi (700), ŵana ŵa mafumu, ndi machumi pe chumi ghatatu (300); mabwezi ghanthukazi.

1 ŴaKaronga 4:8

Agha ndighu ghenga mazina ghawo; Benhuri mu charu cha mitunthu chaku Efraimu;

2 Mikoka 11:21

Rehoboamu wangwanja Maka mwana waku Absolomu kwakuruska ŵawoli ŵake wose ndi mbirigha (wenga ndi ŵawoli chumi pachanya ŵankhonde ndi ŵatatu (18) ndi mbirigha machumi ghankhonde ndi limoza (60) ndipo wenga ndi ŵana ŵanthurumi machumi ghaŵi pachanya ŵankhonde ndi ŵatatu (28) ndi ŵana ŵanthukazi machumi ghankhonde ndi limoza (60)).

Estere 2:14

Wangusere ndi mazulo, ndipo ndi mlenji wanguwe kuzachisere mu nyumba yachiŵi ya ŵanthukazi kuti wachisungika ndi Shashagazi mteŵeti wa karonga yo wasunganga vidandani: kuti wangasere so ku karonga cha, kwambura nge karonga wangukondwa nayo ndi kumudana zina pakumserezga.

Danyele 5:3

Viyo ŵanguza navyo viyaŵi vya golide ndi vya siliva vyo vingutoreka mu nyumba yaku Chiuta mu Yerusalemu; ndipo karonga, mafumu ghake, ŵawoli ŵake, ndi mabwezi ghake ghanthukazi ŵangumwiyamo mwaku vyo.

Malaki 2:15

Kuti ndi Chiuta yumoza cha yo wakwata ndi kusungirizgiya ifwe mzimu wa umoyo? Ndipo nchine cho wakhumba? Mphapu yirunji. Viyo chenjeni, paulevi nanga njumoza waŵe wambura kugomekezgeka ku muwoli wa uhurwa wake.

Mateyu 2:6

‘Ndipo iwe Betelehemu, mu charu chaku Yuda, kuti ndiwe mumana limu kose cha mu ŵarongozgi ŵaku Yuda; chifukwa mwaku iwe mutuliyenge chirongozgi, mweniyo wakawusanga khamu langu Yisraele.’ ”

Yoswa 24:30

Ndipo ŵangumuŵika mu chihara chake pa Timnatisera, yo wemu charu cha mtunthu cha ku Efraimu, ku nkhonde kwa phiri la Gashi.

Yoswa 24:33

Ndipo Eleazara mwana waku Aroni wangufwa; ŵangumuŵika pa Gibea, msumba waku Finehasi mwana wake, wo ungupaskika kwaku iyo mu charu cha mtunthu chaku Efraimu.

Ŵeruzgi 12:8

Pavuli pake Ibzani waku Betelehemu wangweruzga Yisraele.

Ŵeruzgi 17:1

Mu charu cha mitunthu chaku Efraimu mwenga munthu yo zina lake lenga Mika.

Ŵeruzgi 17:6

Mu mazuŵa gho mwengavi karonga mu Yisraele; munthu yose wanguchita chenicho chenga chamampha mu maso ghaku yija.

Ŵeruzgi 17:7

Sono kwenga munyamata waku Betelehemu mu Yuda, wamu mbumba yaku Yuda yo wenga muLevi; ndipo wenga mulendo kwenikuwa.

Ŵeruzgi 17:8

Munthu uyu wangutuwako ku msumba waku Betelehemu waku Yuda, kwachija kweniko wangasaniya malo ghakujako; ndipo po wendanga, wanguza ku charu cha mitunthu chaku Efraimu ku nyumba yaku Mika.

Ŵeruzgi 18:1

Mu mazuŵa ghenigha mwengavi karonga mu Yisraele. Ndipo mu mazuŵa ghenigha fuku la ŵina Dani ŵajipenjiyanga chihara chakujamo; pakuti mpaka kufika pa nyengo iyi iwo ŵengavi chihara cho chinguŵaŵiya mukati mu mafuku ghaku Yisraele.

Ŵeruzgi 18:13

Ŵangurutiriya kutuwa pa ŵanguya ku charu cha mitunthu chaku Efraimu, ndipo ŵanguza ku nyumba yaku Mika.

Ŵeruzgi 19:16

Ndipo awonani, doda latuwanga ku nchitu yake ku munda ndi mazuluvi, munthu uyu wangutuliya ku charu cha mitunthu chaku Efraimu ndipo wajanga mu Gibea; ndipo ŵanthu ŵa malo gho ŵenga ŵaBenjamini.

Ŵeruzgi 19:2

Ndipo mbiligha yake yingukaripa ndi iyo, ndipo yingutuwako kwake yinguruta ku nyumba ya awiske mu Betelehemu waku Yuda ndipo wenga kuwa myezi yinayi.

Ŵeruzgi 21:25

Mu mazuŵa yagha mwengavi karonga mu ŵaYisraele; munthu yose wanguchita chenicho chose chenga chamampha mu maso ghake.

Ŵeruzgi 3:27

Wanguti wafika wangumba mbata mu charu cha mitunthu chaku Efraimu; ndipo ŵaYisraele ŵangusikiya nayo pamoza kutuwa ku charu chamithunthu, ndipo ŵenga nayo nge ndi mutu wawo.