Ŵeruzgi 18:7 - Tonga Bible 1986

⁷ Pavuli ŵanthu wo ŵankhonde ŵanguruta, ŵanguza ku Laishi, ndipo ŵanguwona ŵanthu wo ŵenga kwenikuwa, mo ŵajijariyanga kwambura kakuwofya, uli ndi majaridu gha ŵaSidoni, ŵakufwasa kakuŵachiruska cha, kuŵasoŵapo kanthu mu charu chapasi nako so cha; ŵakuŵa ndi usambasi, ndimo so ŵanguŵiya kutali ndi ŵina Sidoni ndipo ŵengavi chenderanu ndi ŵanthu ŵanyake.

Ŵeruzgi 18:7 ပူးပေါင်းရင်းမြစ်များ

1 ŴaKaronga 1:6

Awiske ŵengavi kumukaraliska chingana ndi nyengo yimoza ndi mazu ghakuti, “Chifukwa nchine cho wachitiya viyo ndi viyo?” Iyo nayo so wenga munthu wakunozga; ndipo pakuwa kwake wanguja pa mutu paku Absalomu.

1 ŴaKaronga 16:31

Ndipo kanguŵa nge nkhanthu kayuyu kwaku iyo kwenda mu mphurupuru zaku Yeroboamu mwana waku Nebati wangujitole kuŵa muwoli Yezebelu mwana waku Etbala karonga wa ŵaSidoni, ndipo, wanguteŵete Bala, ndi kumsopa.

1 Mikoka 4:40

Kweniko ŵangusaniya kunona kwa chipozwa chamampha, charu chenga chisani ukongwa, chabata, cha chimangu; wo kali ŵanguja muwa ŵenga ŵina Hamu.

Yeremiya 49:31

“Sokani, kaninga pa mtundu wo mgwakufwasa wo uja kwambura mantha, atiti Ambuya, wo ulivi malikomo pamwenga mipiringizgu, wo uja paku wija.

ŴaRoma 13:3

Chifukwa ŵakuwusa wokuti mbakofya cha ku nchitu yamampha, kweni ku yiheni. Ndipo asani ukhumba kureka kopa mtufu wo, chitanga cho nchamampha, ndipo ukaŵanga ndi rumbu kwaku wo,

Yoswa 19:47

Penipo charu cha ŵina Dani chingukwamphulika, ŵina Dani ŵangukwera kwachirwana ndi Lesheme, ndipo ŵanguti ŵawukwamphuwa ndi kubaya ŵanthu ŵake unguŵa wawo ndipo ŵanguja mwenimo, ŵangudana zina Lesheme, Dani, mu zina laku Dani mbuyawo.

1 Petro 2:14

pamwenga ku zinduna, nge mbeniwo ŵatumika ndi iyo kwachilanga ŵakuchita uheni ndi kwachirumba ŵakuchita umampha.

Chivumbuzi 18:7

Mupaskeni suzgu ndi chitenje: uli ndimo wangujivwarikiya dama ndi lifwenkhafwenkha: pakuti mu mtima watiti, ‘Ndija fumukazi ine, kuti ndine choko cha, ndipo kuti nkhawonanga chitenje cha.’

Ŵeruzgi 18:29

Ŵangudana msumba wo Dani, kulondo zina laku Dani mbuyawo mweniyo wangupapika kwaku Yisraele; kweni zina la msumba uwa lenga Laishi pakudanga.

Ŵeruzgi 18:6

Ndipo mzukuru wanguti, “Rutani mu chimangu. Ulendo uwu muruta we pasi pa jiso la Ambuya.”

Ŵeruzgi 18:8

Ndipo po ŵanguza ku ŵabali ŵawo pa Zora ndi Eshetaolo, ŵabali ŵawo ŵanguti kwaku iwo, “Nchine cho mutitauliyenge?”

1 Samuele 3:13

Ndipo nditumukambiya kuti nde pafupi kulanga nyumba yake muyaya, pa ulakwi wo wanguwuziŵa, chifukwa ŵana ŵake ŵatukanga Chiuta ndipo iyo kuti wanguŵakanizga cha.