Ŵeruzgi 18:6 - Tonga Bible 1986

⁶ Ndipo mzukuru wanguti, “Rutani mu chimangu. Ulendo uwu muruta we pasi pa jiso la Ambuya.”

Ŵeruzgi 18:6 ပူးပေါင်းရင်းမြစ်များ

1 ŴaKaronga 22:12

Ndipo ŵamuchimi wose ŵanguchima kwakukozgana, ŵanguti, “Kweriyani ku Ramoti-gileada mwamupunda, Ambuya akuwupereka mu janja la karonga.”

1 ŴaKaronga 22:15

Ndipo wanguti waza ku karonga, karonga wanguti, “Mikaya, kumbi tirutenge ku Ramoti-gileada ku nkhondo, pamwenga tireke?” Iyo wangumwamuka, “Kweriyaniko mwamupunda. Ambuya akawuperekanga mu janja la karonga.”

1 ŴaKaronga 22:6

Sono karonga ŵaYisraele wanguwungang'a pamoza ŵamchimi, akhumba ŵanthu machumi pe chumi ghanayi, wanguti kwaku wo, “Kumbi ndirutenge ku nkhondo kwachirwa ndi Ramoti-gileada, pamwenga ndireke?” Ndipo iwo ŵanguti, “Kweriyaniko; chifukwa Ambuya akawuperekanga mu janja la karonga.”

Sumu 33:18

Awonani, jisu la Ambuya le pa ŵakumopa, paku ŵeniwo ŵagomezga mu chanju chawo chikuru,

Chituwa 4:18

Mosese wanguwere kwaku Yetero musibweni wake, ndi wanguti kwaku iyo, “Ndipempha undizomerezge kuwere ku ŵabali ŵangu mu Egipiti kwachiwona vinu ŵachalipo ŵamoyo.” Ndipo Yetero wanguti kwaku Mosese, “Ruta mu chimangu.”

Yeremiya 23:32

Inya, ndimikana ndi wo ŵachima maloto ghatesi, atiti Ambuya, ndi ŵeniwo ŵati ŵanene ndi kuŵarongozge ŵanthu ŵangu kwaŵaka ndi mautesi ghawo ndi mphwayi zawo, penipo ine kuti ndinguŵatuma, chingana nkhuŵalanguliya cha; viyo kuti ŵatiŵanduliya ndi keni kamoza ŵanthu yaŵa cha, atiti Ambuya.

Marangu 11:12

charu chenicho Ambuya Chiuta winu watichiphwere. Maso gha Ambuya Chiuta winu ghe paku cho mazuŵa ghose, kutuliya ku kwamba kwa chirimika mpaka ku umari kwake.

1 ŴaTesalonika 3:11

Kweni Chiuta mweneko Auskefwe, ndi Ambuyafwe Yesu, ayinyoroske kwinu nthowa yidu.

Ŵeruzgi 18:5

Ndipo iwo ŵangunena nayo, “Fumba kwaku Chiuta titukupempha, kuti tiziŵe vinu ulendo uwu tasoka ukaŵanga wakusakata.”

Ŵeruzgi 18:7

Pavuli ŵanthu wo ŵankhonde ŵanguruta, ŵanguza ku Laishi, ndipo ŵanguwona ŵanthu wo ŵenga kwenikuwa, mo ŵajijariyanga kwambura kakuwofya, uli ndi majaridu gha ŵaSidoni, ŵakufwasa kakuŵachiruska cha, kuŵasoŵapo kanthu mu charu chapasi nako so cha; ŵakuŵa ndi usambasi, ndimo so ŵanguŵiya kutali ndi ŵina Sidoni ndipo ŵengavi chenderanu ndi ŵanthu ŵanyake.

1 Samuele 1:17

Sono Eli wanguti, “Rutanga mu chimangu, ndipo Chiuta waku Yisraele wakupaske cho wapempha kwaku iyo.”