Ŵeruzgi 18:31 - Tonga Bible 1986

³¹ Viyo ŵangumika ngoza wakusemeka yo wangupanga Mika, nyengo yose yo nyumba yaku Chiuta yinguŵiya mu Shilo.

Ŵeruzgi 18:31 ပူးပေါင်းရင်းမြစ်များ

Yeremiya 41:5

ŵanthu machumi ghakhonde ndi ghatatu ŵangufika kutuliya ku Shekemu ndi Shilo ndi Samaria, ŵakumeta myembi yawo ndi vivwalo vyawo vyakuparuka, ndi ŵakujitema maliŵavu ghawo ŵakunyamuwa mpasku wawo wa ufwa ndi vyachema kwachipaska pa nyumba ya Ambuya.

Yeremiya 7:12

Rutani sono ku malo ghangu ghenigho ghe mu Shilo, kweniko pakudanga ndingujarika zina langu, mukawone vyo ndinguchitiya malo gho chifukwa cha mauheni gha ŵanthu ŵangu ŵaYisraele.

Yoswa 18:1

Sono mpingu wose wa ŵaYisraele unguwungana pa Shilo, ndipo ŵangumika hema lakuwunganamo; charu chinguthereskeka paurongo pawo.

Ŵeruzgi 19:18

Iyo wanguti, “Te ŵamwenda nthowa tituwa ku Betelehemu waku Yuda tita ku vigaŵa vya charu cha mitunthu chaku Efraimu, nde wakwenikuwa; ndinguya ku Betelehemu waku Yuda; sono ndi were kwidu; kweni pano palivi yo watinditole mu nyumba yake.

Ŵeruzgi 21:19

Viyo wanguti, “Awonani, liripo dghera la chirimika ndi chirimika la Ambuya pa Shilo, ku nkhonde kwa Betele ku vuma kwa museu ukuru wo ukwera kutuwa ku Betele kuya ku Shekemu, ndi ku malaŵi kwa Lebona.”

Ŵeruzgi 21:21

ndipo kalereskeni, asani ŵana ŵanthukazi ŵamu Chilo ŵatuwa kuzachivina wagule, imwe mwamusotopoka mu minda ya mphereska ndipo munthu yose wakajikole muwoli wake mu ŵana ŵanthukazi ŵamu Shilo, ndi mukarutenge nawo ku charu chaku Benjamini.

1 Samuele 1:3

Chirimika ndi chirimika Elkana warutanga kutuwa ku muzi wake kwachisopa ndi kupereka sembe ku Ambuya ŵa maŵanja pa Shilo, penipo ŵana ŵaŵi ŵaku Eli, Hofini ndi Finehasi ŵenga ŵazukuru ŵa Ambuya.

1 Samuele 4:4

Viyo ŵanthu ŵangutumike ku Shilo, ndipo ŵanguza nalo bokosi la phanganu la Ambuya ŵa maŵanja, ŵeniwo akujarikika pa makerubi; ŵana ŵaŵi ŵaku Eli, Hofini ndi Finehasi, ŵenga kwenikuwa ndi bokosi la phanganu laku Chiuta.