Ŵeruzgi 18:29 - Tonga Bible 1986

²⁹ Ŵangudana msumba wo Dani, kulondo zina laku Dani mbuyawo mweniyo wangupapika kwaku Yisraele; kweni zina la msumba uwa lenga Laishi pakudanga.

Ŵeruzgi 18:29 ပူးပေါင်းရင်းမြစ်များ

Chiyambo 14:14

Penipo Abramu wanguvwa kuti mbali wake wakoreka umkoli, wangulongozge kweniko ŵanthu ŵake ŵankhondo, wo ŵakuwiya mu nyumba yake, wo ŵenga machumi pe ghatatu pachanya chumi limoza ndi ŵankhonde ndi ŵatatu (318), ndipo ŵanguruta kundondoloska mpaka ku Dani.

Chiyambo 30:6

Sono Rakelo wanguti, “Chiuta wanderuzga ine, ndipo wavwa mazu ghangu ndi wandipaska mwana munthurumi”; viyo wangumudana zina lake Dani.

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

2 Samuele 17:11

Kweni ine fundu yangu njakuti, ŵaYisraele wose ŵawungane kwako, kutuwa ku Dani mpaka ku Beresheba, nge ndi mchenga wapa likumba la nyanja unandi wawo, ndikuti imwe namwe mwaŵeni muruti ku nkhondo.

1 ŴaKaronga 15:20

Ndipo Benhadadi wanguzomera mazu gha karonga Asa, ndipo wangutuma ŵarongozgi ŵa maliŵanja ghake ghankhondo kwachirwa ndi misumba yaku Yisraele, ndipo wangupunda Ijoni, Dani, Abelbet-maka, ndi Kineroti yose, ndi charu chose chaku Naftali.

Yeremiya 8:16

“Kututa kwakukoroma kwa ŵakavalo ŵawo kuvwika kutuwa mu Dani, pakuvwa kuliya kwa ŵakavalo ŵanthurumi charu chose chiyaghayika. Ŵatuza kunanga charu ndi vyose, vyakuzaza mwaku cho, muzi ndi wose ŵakuja mwaku wo.

Marangu 34:1

Ndipo Mosese wangukwera kutuwa ku madambo ghaku Moabu kuya ku phiri Nebo, pachanya pa Pisiga lo lithyana ndi Yeriko, ndipo Ambuya angumurongo charu chose, Gileada kwachifika kwaku Dani,

Yoswa 19:47

Penipo charu cha ŵina Dani chingukwamphulika, ŵina Dani ŵangukwera kwachirwana ndi Lesheme, ndipo ŵanguti ŵawukwamphuwa ndi kubaya ŵanthu ŵake unguŵa wawo ndipo ŵanguja mwenimo, ŵangudana zina Lesheme, Dani, mu zina laku Dani mbuyawo.

Ŵeruzgi 18:7

Pavuli ŵanthu wo ŵankhonde ŵanguruta, ŵanguza ku Laishi, ndipo ŵanguwona ŵanthu wo ŵenga kwenikuwa, mo ŵajijariyanga kwambura kakuwofya, uli ndi majaridu gha ŵaSidoni, ŵakufwasa kakuŵachiruska cha, kuŵasoŵapo kanthu mu charu chapasi nako so cha; ŵakuŵa ndi usambasi, ndimo so ŵanguŵiya kutali ndi ŵina Sidoni ndipo ŵengavi chenderanu ndi ŵanthu ŵanyake.

Ŵeruzgi 20:1

Sono ŵaYisraele ŵangutuwa, kwamba ku Dani kufika ku Beresheba, ndi charu chaku Gileada, ndipo mpingu wo unguwungana uli ndi munthu yumoza ku Ambuya pa Mizipa.