Ŵeruzgi 18:2 - Tonga Bible 1986

² Viyo ŵina Dani ŵangutuma ŵanthu ŵankhonde ŵazeru kutuwa ku ŵanthu wose ŵa mtundu wawo, kutuwa ku Zora ndi kutuwa ku Eshetaolo, kwachiskola charu ndi ku chisanda; ŵanguŵanene kuti, “Rutani kapachiyeni charu.” Ndipo wanguza ku charu cha mitunthu chaku Efraimu, ku nyumba yaku Mika, ŵangugona penipa.

Ŵeruzgi 18:2 ပူးပေါင်းရင်းမြစ်များ

Chiyambo 42:9

Ndipo Yosefe wangukumbuka maloto ghake ghenigho wangulota gha paku iwo; ndipo wanguti kwakuwo, “Imwe mwe skoli, mwaziya kuzachisaniya unthomboro wa charu ichi.”

Nthanthi 20:18

Vyakulongosoleka vichitika ndi chipangu; ndi kurongozgeka kwazeru nkhondo yichitika.

Maŵerengedu 13:17

Mosese wanguŵatuma kwachiskora charu cha Kanani, ndipo wanguti kwaku wo, “Rutani musere mu charu chaku mwera ndi kukwera mu charu cha mtunthu,

Luka 14:31

Pamwenga karonga njani, wakuruta kwachipong'ana ndi karonga munyake mu homwa, wareka danga kuja pasi ndi kukhoma upu asani ngwanthazi ndi vikwi chumi kwachikumana ndi yo watuza kwake ndi vikwi machumi ghaŵi?

Yoswa 15:33

Mu charu cha chidika, Eshitaolo, Zora, Achizibi,

Yoswa 19:41

Ndipo chigaŵa cha chihara chake chingubang'a Zora, Esitaoli, Irisheme,

Yoswa 2:1

Ndipo Yoswa mwana waku Nuni wangutuma ŵanthu ŵaŵi mwakubisika kutuwa ku Shitimu kuskola charu, wanguti, “Rutani, kaskoleni charu, ukonga viŵi Yeriko.” Ŵanguruta ŵangufika ku nyumba ya munthukazi mureŵi yo wadanikanga Rahabe, ndipo ŵangugona kwenikuwa.

Yoswa 2:2

Ndipo kunguneneka ku karonga waku Yeriko, “Awona, ŵanyake ŵa ŵaYisraele ŵaza kunu usika uno kuzachisola charu.”

Ŵeruzgi 13:2

Ndipo wengapo munthu waku Zora wa mtundu waku Dani, mweniyo zina lake lenga, Manowa; muwoli wake wenga chumba.

Ŵeruzgi 13:25

Ndipo mzimu wa Ambuya ungwamba kumuchenjereska mu Mahane-dani, pakati pa Zora ndi Eshetalo.

Ŵeruzgi 16:31

Sono ŵana ŵanyake ndi mbumba yake yose wangusikiya kuwa, ŵangumuto ndi wanguza nayo, ŵangumuŵika pakati pa Zora ndi Eshetaolo mu muunda waku Manowa awiske. Wangweruzga Yisraele virimika machumi ghaŵi.

Ŵeruzgi 17:1

Mu charu cha mitunthu chaku Efraimu mwenga munthu yo zina lake lenga Mika.

Ŵeruzgi 18:11

Ndipo ŵanthu machumi pe chumi ghankhonde ndi limoza (600) ŵa fuku laku Dani, ŵakuskoma vidya vya nkhondo, ŵangusoka kutuwa ku Zora ndi Eshetaolo,

Ŵeruzgi 18:13

Ŵangurutiriya kutuwa pa ŵanguya ku charu cha mitunthu chaku Efraimu, ndipo ŵanguza ku nyumba yaku Mika.

Ŵeruzgi 18:3

Penipo ŵenga pa nyumba yaku Mika, ŵanguziŵa mazu gha munyamata muLevi yo, ndipo ŵangung'anamukiyako, ŵanguti kwaku iyo, “Ndiyani wangukutole kuno? Uchitanji pa malo yagha? Nchitu yako njine?”

Ŵeruzgi 18:8

Ndipo po ŵanguza ku ŵabali ŵawo pa Zora ndi Eshetaolo, ŵabali ŵawo ŵanguti kwaku iwo, “Nchine cho mutitauliyenge?”

Ŵeruzgi 19:1

Mu mazuŵa gha, penipo mwengavi karonga mu Yisraele, muLevi yumoza wayingayinganga mu malo gha kutali gha charu cha mitunthu chaku Efraimu, mweniyo wangujitole mbiligha ku Betelehemu waku Yuda.

Ŵeruzgi 19:18

Iyo wanguti, “Te ŵamwenda nthowa tituwa ku Betelehemu waku Yuda tita ku vigaŵa vya charu cha mitunthu chaku Efraimu, nde wakwenikuwa; ndinguya ku Betelehemu waku Yuda; sono ndi were kwidu; kweni pano palivi yo watinditole mu nyumba yake.