Ŵeruzgi 18:17 - Tonga Bible 1986

¹⁷ ndipo ŵanthu ŵa ŵankhonde wo ŵanguruta kwachiskola charu ŵangukwera ndi ŵangusere ŵanguto ngoza wakusema, ndi chakuvwara chapa chifuŵa ndi twangoza, ndi ngoza wakusongono, penipo mzukuru wanguma pakuserere pa likomo pamoza ndi ŵanthu ŵankhondo ŵa.

Ŵeruzgi 18:17 ပူးပေါင်းရင်းမြစ်များ

Chiyambo 31:19

Labani wanguruta kwachisenga mberere zake, ndipo Rakelo wanguba ŵachiuta ŵamu nyumba ya awiske.

Chiyambo 31:30

Ndipo sono iwe wathaŵa chifukwa ungunweka ukongwa nyumba ya ausu, kweni chifukwa chine ukuba ŵachiuta ŵangu?”

Chituwa 32:20

Ndipo wanguto thole lo la ng'ombe lenilo ŵanguchita, wangulocha ndi moto, ndi kulipera kuŵa fuvu, ndi wanguliwazga pa maji, ndi wangulimweska ŵaYisraele.

Yesaya 41:29

Ehe, wose mbatesi; nchitu zawo zawaka ŵangoza ŵawo ŵakwenguwa ndi mphepo yiyumu.

Yesaya 46:7

Ŵatimunyamuliya pa mapheŵa ghawo, ŵatimupinga, ŵatimuŵika pa malo ghake, ŵatuma penipo; kuti ŵaziŵa cha kunderepo, pa malo ghake. Asani munthu watimuliriya, kuti watamuka pamwenga ku mutaska ku suzgu yake cha.

Ezekiele 21:21

Pakuti karonga waku Babiloni wama pa mphatukano za nthowa, pa mutu wa nthowa ziŵi, kuti wawombeze; wasukuniska mivwi, wafumba ŵangoza, walereska pa mphafwa.

Hoseya 3:4

Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

Mika 5:13

ndi nkhapasuwanga vikozgo vyako, ndi mizati yako kutuwa mukati mwako, ndipo kuti ukalambiyanga so cha milimu ya manja ghako.

Ŵeruzgi 18:14

Sono ŵanthu ŵa ŵankhonde ŵanguruta kwachiskola charu cha Laishi ŵanguti ku ŵabali ŵawo, “Kumbi muziŵa kuti mu nyumba izi mwe chakuvwara cha pa chifuŵa, twangoza, chikozgu chakusema ndi ngoza wakusongono? Viyo ghanaghanani cho mukachitanga.”

Ŵeruzgi 18:16

Sono ŵanthu wo machumi pe chumi ghankhonde ndi limoza (600) ŵina Dani ŵakuskoma vidya vyawo vya nkhondo, ŵanguma pakuserere pa likomo,

Ŵeruzgi 18:18

Ndipo po ŵangusere mu nyumba yaku Mika ndi kuto ngoza wakusema, chakuvwara cha pa chifuŵa, twangoza, ndi ngoza wakusongono, mzukuru yo wanguŵafumba, “Muchitanji?”

Ŵeruzgi 18:2

Viyo ŵina Dani ŵangutuma ŵanthu ŵankhonde ŵazeru kutuwa ku ŵanthu wose ŵa mtundu wawo, kutuwa ku Zora ndi kutuwa ku Eshetaolo, kwachiskola charu ndi ku chisanda; ŵanguŵanene kuti, “Rutani kapachiyeni charu.” Ndipo wanguza ku charu cha mitunthu chaku Efraimu, ku nyumba yaku Mika, ŵangugona penipa.

Ŵeruzgi 6:31

Kweni Joashi wanguti kwaku wose wo ŵangumikana nayo, “Kumbi mukarwiyanga Bala? Kumbi mukavikiriyanga mrando wake? We yose yo wakarwiyanga iyo wakabayikanga ndi mlenji. Asani ndi chiuta, murekeni wajirwiye mweniko, chifukwa jochero lake labwangandulika.”

1 Samuele 19:13

Mikala wanguto chikozgu wangugoneka pa chita ndi kuŵikako ku mutu wake msamiro wa weya wa mbuzi, wanguchivwinkha ndi vivwaro.

1 Samuele 4:11

Bokosi la phanganu laku Chiuta lingukwamphulika; ndipo ŵana ŵaŵi ŵaku Eli, Hofini ndi Finehasi, ŵangubayika.