Ŵeruzgi 17:4 - Tonga Bible 1986

⁴ Viyo wati wawezge ndrama zo ku nyina, nyina wangutopo siliva machumi pe chumi ghaŵi (200) wangupereka ku wakusula vya siliva, yo wangumupangiya ngoza wakusema ndi ngoza wakusongono; ndipo wenga mu nyumba yaku Mika.

Ŵeruzgi 17:4 ပူးပေါင်းရင်းမြစ်များ

Yesaya 30:22

Sono mukakazuzganga ŵangoza ŵinu ŵakusema ŵakuzgangika ndi siliva ndi ŵangoza ŵinu ŵakwenguwa ŵakuzgangika ndi golide. Mukaŵaparghang'anga nge ndi vinthu vyaukazuzi, mukakambanga kwaku wo kuti, “Rutaninga!”

Yesaya 44:13

Ng'ombwa ya miti yatambaluwa chingwe, yitichilembe; ndi chakulembe, watichilongoso kawidu kake ndi chakupaliya, ndipo watichilongoso mu kaŵidu ka munthu, ndi unozgi wa munthu, kuja mu nyumba.

Habakuku 2:18

Kumbi chikozgo chakusema chitanduwa chine pa wachichita wakusema, chikozgo chakusongono, musambizgi wa mautesi? Chifukwa wakupanga wagomekezga mwaku cho wachipanga, penipo wapanga ŵangoza ŵambuwu!

Marangu 27:15

“ ‘Watembeke munthu yo wachita ngoza wakusongono, wo mbukazuzi ku Ambuya, chinthu chakuchitika ndi manja gha munthu mumisiri, ndipo watichimika ku ubende.’ Ndipo ŵanthu wose ŵakamukanga, ŵanenenge, ‘Ameni.’

Ŵeruzgi 17:3

Ndipo wanguwezge vya siliva chikwi ndi machumi pe chumi (1,100) ku nyina; ndipo nyina wanguti, “Ndipatuliya uyu ku Ambuya kutuwa ku janja langu, kuti mwana wangu wachitiye ngoza wakusema ndi ngoza wakusongono; chifukwa cho sono ndikamuwezgiyanga kwako.”

Ŵeruzgi 17:5

Mika wenga ndi kavuŵa; ndipo wanguchita chivwaru chapachifuŵa cha mzukuru ndi twangoza, ndipo so wangumika yumoza wa ŵana ŵake yo wanguŵa mzukuru wake.

Ŵeruzgi 18:17

ndipo ŵanthu ŵa ŵankhonde wo ŵanguruta kwachiskola charu ŵangukwera ndi ŵangusere ŵanguto ngoza wakusema, ndi chakuvwara chapa chifuŵa ndi twangoza, ndi ngoza wakusongono, penipo mzukuru wanguma pakuserere pa likomo pamoza ndi ŵanthu ŵankhondo ŵa.