Ŵeruzgi 17:10 - Tonga Bible 1986

¹⁰ Mika wanguti kwaku iyo, “Ujenge penipano, ndipo uŵe kwaku ine ada ndi mzukuru, ndipo ndikakupaskanga ndrama za siliva chumi pa chaka, ndi maraya, ndi kurgha.”

Ŵeruzgi 17:10 ပူးပေါင်းရင်းမြစ်များ

Chiyambo 45:8

Viyo kuti ndimwe cha mungundituma kuno, kweni ndi Chiuta; ndipo iyo wakundisanduska, mpapi kwaku Farao ndi mbuya wa nyumba yake yose ndi mweruzgi pa charu chose cha Egipiti.

2 ŴaKaronga 13:14

Sono Elisha wanguti watama ndi urwali wakumutole ku nyifwa, Yoashi karonga waku Yisraele wanguruta kwaku iyo, ndipo wanguliya paurongo pake, wakuti “Ada! Magareta ghaku Yisraele ndi ŵapakavalo ŵake!”

2 ŴaKaronga 2:12

Ndipo Elisha wanguchiwona ichi, wanguliya, “Ada! Ada! Magareta ghaku Yisraele ndi ŵanthu ŵake ŵa ŵakavalo!” Ndipo kuti wangumuwona so cha. Sono wanguto vivwalo vyamweneko ndi wanguviparuwa paŵi.

2 ŴaKaronga 6:21

Penipo karonga wa ŵaYisraele wanguŵawona, wanguti kwaku Elisha, “Ada, kumbi ndiŵabaye? Kumbi ndiŵabaye?”

Jobu 29:16

Ndenga wiske wa ŵakavu, ndingupenjapenja mrandu waku yo ndengavi kumziŵa.

Yesaya 22:21

ndikamuvwarikanga munjirira wako, ndi kumumanga likwamba lako, kumupaska mu janja lake mtufu wako, ndipo wakaŵanga wiske ku ŵakuja mu Yerusalemu ndi ku nyumba yaku Yuda.

Ezekiele 13:19

Mwandifipiska mukati mu ŵanthu ŵangu chifukwa cha manja ghakuzaza barile ndi tivipitika twa chiŵande, kubaya ŵanthu wo kuti ŵangwenere kubayika cha ndi kusunga ŵamoyo ŵanthu wo kuti ŵangwenere kubayika cha ndi kusunga ŵamoyo ŵanthu wo kuti ŵangwenere kusungika ŵamoyo cha, ndi mautesi ghinu ku ŵanthu ŵangu, wo ŵategherezga ku mautesi.

Mateyu 26:15

Ndipo wanguŵafumba, “Mukandipaskanga chine, asani ndamukombole kwinu?” Ndipo iwo ŵangumwese vyasiliva machumi ghatatu.

Yohane 12:6

Wangukamba ichi pa chifukwa chakuphwere ŵakavu cha; kweni chifukwa wenga munkhungu, ndipo pakuŵa wakusunga chikwama, wajitoliyanga vyo vya ŵikikangamo.

1 Timote 6:10

Chifukwa kwanja ndrama ndi msisi wa mauheni ghose; pakutambazukiya chenicho ŵanyake ŵarandizgika nacho kutuwako ku chivwanu cho, ndipo ŵakoreka ndi soni zinandi.

1 Petro 5:2

liskani muskambu waku Chiuta wo we mwinu, pakuulereze kwakupemberezgeka cha, kweni kwakukhumba, kwakuyana ndi kukhumba kwaku Chiuta; kwaupiripiri nako cha, kweni kwaphamphu;

Ŵeruzgi 17:11

Ndipo muLevi wangukhorwa kuja ndi munthu yo ndipo munyamata wanguŵa kwaku iyo nge njumoza wa ŵana ŵake.

Ŵeruzgi 17:9

Ndipo Mika wanguti kwaku iyo, “Utuliya pani?” Iyo wanguti, “Ine ndine muLevi waku Betelehemu waku Yuda, ndipo ndikayinganga kweniko kose ndingasaniya malo.”

Ŵeruzgi 18:4

Iyo wanguti kwaku iwo, “Viyo ndi viyo ndimu wakuchitiya nane Mika, wakundilembela nchitu; ndipo nde mzukuru wake.”

1 Samuele 2:36

Yose yo wasiyika mu nyumba yako wazenge ndi wajikamiyenge iyo pa kupempha kachipitika ka siliva pamwenga burunga la chiŵande, ndipo wanenenge, “Ndipempha undiŵike, mu malo ghamoza gha ŵazukuru, mwakuti ndirghenge livuvu lachiŵande.” ’ ”