Ŵeruzgi 16:7 - Tonga Bible 1986

⁷ Samsoni wanguti kwaku iyo, “Asani ŵangandimanga ndi malisinga ghafya gha uta, ghankhonde ndi ghaŵi ghambura kughamizga po ndipo ndikaŵanga wakutomboloka, ndi kuŵa uli ndimo walili munthurumi we yose munyake.”

Ŵeruzgi 16:7 ပူးပေါင်းရင်းမြစ်များ

Nthanthi 12:19

Milomo ya uneneska yijaliriya muyaya, kweni lilime lakupusika nda nyengo yimanavi.

Nthanthi 17:7

Kurongoro kwamampha kuti kumunozge cha wakupusa; ndipo so kamanavi ndimu kulili kurongoro kwautesi ku mwana wa fumu.

ŴaRoma 3:8

Ndipo chifukwa chine tireka kukamba (nge ndimo titukikiya, ndi nge ndimo ŵanyake ŵatiti ifwe tikamba), tichitenge viheni, alinga vizenge vyamampha? Chisusa cha waviyo nchakurunjika.

ŴaGalatia 6:7

Mungarandizgika cha; kuti Chiuta wanyumbika cha: chifukwa chenicho munthu wangamija, chenicho nacho wakavunanga.

ŴaKolose 3:9

Mungateterananga cha; pakuti mwazuwa munthu wakali pamoza ndi machitidu ghake,

Ŵeruzgi 16:10

Delila wanguti kwaku Samsoni, “Ehe, wandilengeska, wandinene mautesi, chondi undinene mo ungamangikiya.”

Ŵeruzgi 16:6

Ndipo Delila wangukamba ndi Samsoni, “Chondi undinene po pakugona nthazi yako yikuru, ndipo na ungumangika uli, kuti yumoza wakupunde.”

Ŵeruzgi 16:8

Sono mafumu gha ŵaFilisti ghanguza ku munthukazi ndi malisinga ghafya ghankhonde ndi ghaŵi gho ghengavi kumizgika, ndipo munthukazi wangumumanga nagho.

Ŵeruzgi 16:9

Sono munthukazi wenga ndi ŵanthurumi ŵakumubisamiya mu chipinda chakugonamo cha mukati ukongwa. Ndipo wanguti kwaku Samsoni, “ŴaFilisti ŵatukuko Samsoni!” Kweni wangudumuwa malisinga gho, nge nchingwe cha thonje pa chakwaska ku moto. Viyo kubisika kwanthazi yake kwengavi kuziŵikwa.

1 Samuele 19:17

Sauli wanguti kwaku Mikala, “Chifukwa nchine wandinyenga viyo ndipo wazomerezga murwani wangu kuruta, wapozomoka?” Mikala wanguti, “Wangundinene kuti, ndizomerezge ndirute, kumbi ndikubayiyengenji?”

1 Samuele 27:10

Wachimufumba Akishi, “Kumbi msana wale mungamukurwa paninkhondo?” Davidi wanguti, “Kumwera kwa Yuda, pamwenga kumwera kwa Yerahamele pamwenga kumwera kwa ŵaKeni.”