Ŵeruzgi 16:6 - Tonga Bible 1986

⁶ Ndipo Delila wangukamba ndi Samsoni, “Chondi undinene po pakugona nthazi yako yikuru, ndipo na ungumangika uli, kuti yumoza wakupunde.”

Ŵeruzgi 16:6 ပူးပေါင်းရင်းမြစ်များ

Nehemiya 6:4

Ndipo ŵangundidana kanayi mu kadanidu kantundu umoza ndipo nane ndinguŵamuka kwakukozgana.

Sumu 12:2

Munthu yose wakamba utesi ku mwanasi wake; ndi milomo yauteremusi, ndi mtima wa paŵi ŵakamba.

Nthanthi 22:14

Mlomo wa munthukazi wa masumasu ndi zenji litali; mweniyo Ambuya wamukalariya wawenge mwaku lo.

Nthanthi 26:28

Lilime litesi litinkha ŵakulimbana nalo, ndipo mlomo wakunyengere uchita phasulu.

Nthanthi 6:26

pakuti mureŵi wanganyengeka ndi burunga la chiŵande, kweni munthukazi mureŵi watuba umoyo iwo wa munthurumi.

Nthanthi 7:21

Ndi kakambidu ka kuru kakuwoja watimuchichizga; ndi mazu ghake ghakufyafyaliska watimukakamizga.

Mika 7:2

Ŵarunji ŵakumara pa charu, ndipo palivi murunji mukati muŵanthu; wose ŵalindizga ndopa; ndipo yose wasaka mbali wake ndi ukondi.

Mika 7:5

Mungagomezganga muzengezgani winu cha, mungagomezganga mubwezi cha; rondani makhomo gha mlomo winu nanga nkhu muwoli wako yo wagona mu chifuŵa chako;

Ŵeruzgi 14:17

Wanguliya munthukazi paurongo pake mazuŵa ghankhonde ndi ghaŵi gha dghera; ndipo pa zuŵa la chinkhonde ndi chiŵi wangumunene, pakuti wangumugundizga ukongwa. Viyo munthukazi wanguŵanene ntharika yo ŵanthu ŵake.

Ŵeruzgi 16:5

Ndipo mafumu gha ŵaFilisti ghanguza ku munthukazi yo, ghanguti kwaku iyo, “Umunyengele, ubowozge po pakugona nthazi yake, na ndi nthowa uli yo tingamugode, alinga kuti timumange ndi kumuthereska; ndipo yumoza ndi yumoza waku ifwe tikupaskenge vya siliva chikwi chimoza ndi machumi pe chumi (1,100).”

Ŵeruzgi 16:7

Samsoni wanguti kwaku iyo, “Asani ŵangandimanga ndi malisinga ghafya gha uta, ghankhonde ndi ghaŵi ghambura kughamizga po ndipo ndikaŵanga wakutomboloka, ndi kuŵa uli ndimo walili munthurumi we yose munyake.”