Ŵeruzgi 16:24 - Tonga Bible 1986

²⁴ Ndipo penipo ŵanthu ŵangumuwona, ŵangurumba chiuta wawo, ŵakuti, “Chiuta widu wapereka wakupindikana widu mu janja lidu, wakuparghang'a wa charu chidu, yo wabaya ŵanandi ŵa mwaku ifwe.”

Ŵeruzgi 16:24 ပူးပေါင်းရင်းမြစ်များ

1 Mikoka 10:9

Ŵangumuzuwa, wangucheketa mutu wake ndi kuto vidya vyake, viyo ŵangutuma mathenga mu charu chose cha ŵaFilisti, kuti ŵapingi makani ghamampha ku ŵangoza ŵawo ndi ku ŵanthu wose.

Sumu 97:7

Wose ŵakusopa vikozgo ŵachita soni, wose wo ŵatijikuzga mu ŵangoza ŵawo; ŵachiuta wose ŵajikama pa maso pawo.

Yesaya 37:20

Viyo sono, Ambuya mwe Chiuta widu, titaskeni ku janja lake, alinga maufumu ghose gha charu chapasi ghaziŵe kuti imwe pe ndimwe Ambuya.”

Ezekiele 20:14

Kweni pa chifukwa cha zina langu ndingureka alinga kuti lireke kufipiskika mu maso gha mitundu, mu maso ghaku ŵeniwo ine ndinguŵatuzga iwo.

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Danyele 5:4

Ŵangumwa vinyo ndi ŵangukankhuska ŵachiuta ŵa golide ndi siliva, ŵa mkuŵa, ŵa chisulo, ŵa muti, ndi ŵa mwa.

Habakuku 1:16

Chifukwa ichi wachitiya chirepa chake sembe, ndi kocha vyachema mu chirepa chake, chifukwa mŵaku ivi ndimo wasakata; ndi vyakurgha vyake vyamampha.

Marangu 32:27

Asani ndengavi kopa kusosomo kwa ŵakupindikana, kuti vinu ŵarwani ŵawo ŵangeruzga kwa ujira, vinu ŵangakamba kuti, “Janja lidu lapunda, Ambuya alivi kuchita ivi vyose.” ’

Chivumbuzi 11:10

Ndipo wo ŵaja pa charu ŵakakondwerenga pa nyifwa yaku wo ŵaŵi, ndi kusekere, ndipo ŵamtumirana vyawezi; chifukwa ŵamchimi wo ŵaŵi ŵanguyungwiska ŵakuja pa charu.

Ŵeruzgi 15:14

Po wanguza ku Lehi, ŵaFilisti ŵanguza ndi kuwawata kuzachikumana nayo; ndipo mzimu wa Ambuya unguza ndi nthazi paku iyo, ndipo vingwe vyo vyenga pa manja ghake vinguwa nge ndi vinthembwe vyo vitufya ndi moto, ndipo mafundu ghake ghanguthwamuka ku manja ghake.

Ŵeruzgi 15:16

Viyo wanguti, “Ndi chiwanga cha chibwanyo cha mbunda, ndundu pa ndundu, ndi chiwanga cha chibwanyo cha mbunda, ndabayiya ŵanthu chikwi (1,000).”

Ŵeruzgi 15:8

Ndipo wanguŵakoso mu chiunu ndi chigha ndi kubaya ŵanandi, ndipo wangusika ndi kuja mu chiphwaphwazi cha jarawi laku Etamu.

Ŵeruzgi 16:25

Ndipo po mitima yawo yasekerenga wanguti, “Kamutoni Samsoni, wazitisekeskepo.” Viyo ŵangwachimuto Samsoni ku nyumba ya ukaidi, ndipo wangusekeska paurongo pawo. Wangumumika pakati pa mizati;

1 Samuele 31:9

Ŵangudumuwa mutu wake, ndi kufwatuwa vidya vyake, wangutuma mathenga mu charu chose cha ŵaFilisti, ku taula makani ghamampha ku ŵangoza ŵawo ndi ku ŵanthu,