Ŵeruzgi 16:20 - Tonga Bible 1986

²⁰ Delila wanguti, “ŴaFilisti ŵatukuko Samsoni.” Ndipo iyo wanguyuka mu tulo twake, wanguti, “Ndikatuwanga uli mpha nyengo zinyake, kwachijisukuniska,” kweni wakuwura kuziŵa kuti Ambuya amusiya yija.

Ŵeruzgi 16:20 ပူးပေါင်းရင်းမြစ်များ

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

Yesaya 42:24

Njani wangumupereka Yakobe ku wakuparghang'a, ndi Yisraele ku ŵakupoka? Kuti ŵenga Ambuya cha ŵeniwo ifwe talakwiya, mu nthowa zaku mweniyo kuti ŵangukhumba kwendamo cha, ndi dangu laku mweniyo kuti ŵangukhumba kuvwiya cha?

Hoseya 7:9

Ŵalendo ŵamara nthazi zake, ndipo iyo kuti waziŵa ichi cha; nyivu zayoyoskeka paku iyo, kweni kuti waziŵa ichi cha.

Maŵerengedu 14:9

chimoza pe nchakuti, mureke kugalukiya Ambuya; ndipo mungawopanga ŵanthu ŵa charu chiya cha pakuti tikaŵarghanga nge nchiŵande ŵalivi kuvikirika sono, ndipo Ambuya ŵendi ifwe mungawopanga iwo cha.”

Mateyu 17:16

Ndipo ndingumtole ku ŵasambizi ŵinu, kweni ŵangutondeka kumuchizga.”

Mateyu 17:20

Iyo wanguŵanene, “Chifukwa cha chivwanu chinu chimana: chifukwa ndikuneneskiyani, asani mwenacho chivwanu nge ndi nje ya kamganje muneniyenge phiri ili, ‘Nyamuka panu kawi kuwa,’ linyamukenge; ndipo kanthu kose kuti katondekenge kwaku imwe cha. [

2 ŴaKorinte 3:5

Kuti ndikamba cha kuti te ŵakukwaniya mwaku taŵeni, kujipimiya nge tendi kanthu kakutuliya pa mtima waku taŵeni, kweni kukwaniriskika kwidu nkhwakutuliya kwaku Chiuta,

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?

Yoswa 7:12

Chifukwa ichi Yisraele kuti wangama cha paurongo pa ŵarwani ŵake; ŵarazga misana yawo paurongo pa ŵakupindikana ŵawo, chifukwa ŵasanduka chinthu chakubayika. Kuti nkhaŵanga namwe so cha, kwambura kuti mutuzgemo vyakukanizgika vyo mukati mwinu.

Ŵeruzgi 16:14

Viyo penipo wenga mutulo, Delila wangutovingwe vinkhonde ndi viŵi vya sisi lake wanguviposa mu mtatavu. Ndipo wanguvimangiska ndi phini, sono wanguti kwaku iyo, “ŴaFilisti watikuko, Samsoni!” Kweni wanguyuka mu tulo twake, wangukhwetuwa phini ndi chisulo chakupose sisi ndi mtatavu.

Ŵeruzgi 16:19

Munthukazi wangumugoneka pa makongono ghake, ndipo wangudana munthurumi ndi wangumumeta vigaŵa vinkhonde ndi viŵi vya sisi lake. Sono munthukazi wangwamba kumusuzga, ndipo nthazi yake yingumuthaŵa.

Ŵeruzgi 16:21

ŴaFilisti ŵangumuko ndi ŵangumpokozo maso, ŵanguza nayo ku Gaza, wangumumanga ndi maunyoro gha mkuŵa; ndipo waperanga pa mphe mu nyumba ya ukaidi.

Ŵeruzgi 16:3

Kweni Samsoni wangugona mpaka usiku pakati, pa usiku wapakati wangusoka wanguko visasa vya likomo la msumba ndi viruwu vyo viŵi, wanguvijimphuwa, mphanjizgu ndi vyose, wanguviŵika pa maphewa ghake, ndipo wanguvinyamuliya pachanya pa kaphiri ko ke paurongo pa Hebroni.

Ŵeruzgi 16:9

Sono munthukazi wenga ndi ŵanthurumi ŵakumubisamiya mu chipinda chakugonamo cha mukati ukongwa. Ndipo wanguti kwaku Samsoni, “ŴaFilisti ŵatukuko Samsoni!” Kweni wangudumuwa malisinga gho, nge nchingwe cha thonje pa chakwaska ku moto. Viyo kubisika kwanthazi yake kwengavi kuziŵikwa.

1 Samuele 16:14

Viyo mzimu wa Ambuya ungutuwamo mwaku Sauli, ndipo mzimu uheni wakutuliya ku Ambuya ungumusuzga.

1 Samuele 18:10

Kunguti kwacha ndi mlenji mzimu uheni ungumufikiya Sauli kutuliya kwaku Chiuta, ndipo wabwebwetanga mu nyumba yake, po Davidi wambanga kaligu; nge ndimo wachitiyanga mazuŵa ghanyake; Sauli wenga ndi mkondo mu janja lake.

1 Samuele 18:12

Sauli wanguŵa ndi mantha paku Davidi, chifukwa Ambuya ŵenga nayo, wangutuwako kwaku Sauli.