Ŵeruzgi 16:18 - Tonga Bible 1986

¹⁸ Viyo penipo Delila wanguwona kuti wamunene vyose vya mu mtima wake, wangutuma ndi wangudana mafumu gha ŵaFilisti, wanguti, “Mukwere kuno kenaka kamoza pe, pakuti wandinene vya mu mtima wake wose.” Viyo mafumu gha ŵaFilisti ghangukwere kwaku iyo, ŵanguza ndi ndrama mu manja ghawo.

Ŵeruzgi 16:18 ပူးပေါင်းရင်းမြစ်များ

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

Sumu 62:9

Ŵanthu ŵenge nkhamuvuchi ka waka, ŵanthu ŵa Charu ichi ŵalivi kuzirwa, pakuŵapima pa mweso ŵapepuka, mbapepu kwakuruska ka mvuchi.

Nthanthi 18:8

Mazu gha wakutokotezga ghachitauli nkhurgha kwakusamuka; ghasere mu viŵaru vya mukati vya liŵavu.

Maŵerengedu 22:7

Viyo ŵara ŵaMoabu ndi ŵaMidiani ŵanguruta pamoza ndi mphoto ya kwachiwombeze; ŵangufika kwaku Balamu, ŵangumukonkhome uthenga waku Balaki.

Mateyu 26:15

Ndipo wanguŵafumba, “Mukandipaskanga chine, asani ndamukombole kwinu?” Ndipo iwo ŵangumwese vyasiliva machumi ghatatu.

ŴaEfeso 5:5

Chifukwa namwe muziŵiska chenichi, kuti chingana ndi mureŵi yose, chingana ngwawiyu, chingana ngwachiŵinu, yo ndi msopangoza, walive chihara mu ufumu waku Kristu ndi Chiuta.

1 Timote 6:10

Chifukwa kwanja ndrama ndi msisi wa mauheni ghose; pakutambazukiya chenicho ŵanyake ŵarandizgika nacho kutuwako ku chivwanu cho, ndipo ŵakoreka ndi soni zinandi.

Ŵeruzgi 16:17

Viyo wangumunene ghose gha mu mtima wake, wanguti kwaku Delila, “Iwembe lilivi kukapo pa mutu wangu; pakuti ndaŵa muNaziri kwaku Chiuta kwamba ku chibali cha ama. Asani ndingameteka po ndipo nthazi yangu yikandisiyanga, ndipo ndikaŵanga wakutomboloka, ndi kuŵa uli ndimo walili munthu we yose.”

Ŵeruzgi 16:19

Munthukazi wangumugoneka pa makongono ghake, ndipo wangudana munthurumi ndi wangumumeta vigaŵa vinkhonde ndi viŵi vya sisi lake. Sono munthukazi wangwamba kumusuzga, ndipo nthazi yake yingumuthaŵa.

Ŵeruzgi 16:5

Ndipo mafumu gha ŵaFilisti ghanguza ku munthukazi yo, ghanguti kwaku iyo, “Umunyengele, ubowozge po pakugona nthazi yake, na ndi nthowa uli yo tingamugode, alinga kuti timumange ndi kumuthereska; ndipo yumoza ndi yumoza waku ifwe tikupaskenge vya siliva chikwi chimoza ndi machumi pe chumi (1,100).”