Ŵeruzgi 16:17 - Tonga Bible 1986

¹⁷ Viyo wangumunene ghose gha mu mtima wake, wanguti kwaku Delila, “Iwembe lilivi kukapo pa mutu wangu; pakuti ndaŵa muNaziri kwaku Chiuta kwamba ku chibali cha ama. Asani ndingameteka po ndipo nthazi yangu yikandisiyanga, ndipo ndikaŵanga wakutomboloka, ndi kuŵa uli ndimo walili munthu we yose.”

Ŵeruzgi 16:17 ပူးပေါင်းရင်းမြစ်များ

Nthanthi 12:23

Munthu wakuphwere wabisa chinjeru chake, kweni ŵakupusa ŵamemeza kupusa kwawo.

Nthanthi 13:3

Yo wavikiriya mlomo wake wasungirizga umoyo; yo wajura kwakuyasama milomo yake watuza ku pharghaniku.

Nthanthi 29:12

Asani mweruzgi wategherezga ku utesi nduna zake zose zikaŵanga za mphulupulu.

Mika 7:5

Mungagomezganga muzengezgani winu cha, mungagomezganga mubwezi cha; rondani makhomo gha mlomo winu nanga nkhu muwoli wako yo wagona mu chifuŵa chako;

Maŵerengedu 6:2

“Kamba ndi ŵana ŵaku Yisraele, uŵanene, asani munthurumi pamwenga muthukazi warapa rapu likuru lakuŵa muNaziri, kujipatuliya iyo mweneko ku Ambuya,

Maŵerengedu 6:5

“Mazuŵa ghose gho warapa kujipatuwa, limeta lingakwaskanga ku mutu wake cha, mpaka po nyengo yakujipatuliskiya kwake ku Ambuya yafiskika, wakaŵanga wakupaturika; sisi laku mutu wake walireke likuwe.

Machitidu gha Ŵakutumika 18:18

Ndipo Paulo, wati waswapo so mazuŵa ghanandi, wangurayirana ndi ŵabali wo, ndipo wangulowoke ku Siriya; ndi pamoza nayo Priskila ndi Akula; wanguti wameta sisi mu Kenkirea, chifukwa waŵanga ndi rapu.

Ŵeruzgi 13:5

pakuti nadi, ukaŵanga ndi nthumbo ndi upapenge mwana munthurumi. Pakaŵangavi lwembe lo likazanga pa mutu wake, chifukwa munyamata yo wakaŵanga muNaziri kwaku Chiuta kwamba pa kawi; ndipo wambenge kuwombo Yisraele ku janja la ŵaFilisti.”

Ŵeruzgi 16:16

Ndipo po wanguti wamugundizga weniukongwa ndi mazu ghake zuŵa ndi zuŵa, ndi kumuchichizga, mtima waku Samsoni ungukaripa kwa nyifwa.

Ŵeruzgi 16:18

Viyo penipo Delila wanguwona kuti wamunene vyose vya mu mtima wake, wangutuma ndi wangudana mafumu gha ŵaFilisti, wanguti, “Mukwere kuno kenaka kamoza pe, pakuti wandinene vya mu mtima wake wose.” Viyo mafumu gha ŵaFilisti ghangukwere kwaku iyo, ŵanguza ndi ndrama mu manja ghawo.