Ŵeruzgi 16:16 - Tonga Bible 1986

¹⁶ Ndipo po wanguti wamugundizga weniukongwa ndi mazu ghake zuŵa ndi zuŵa, ndi kumuchichizga, mtima waku Samsoni ungukaripa kwa nyifwa.

Ŵeruzgi 16:16 ပူးပေါင်းရင်းမြစ်များ

Jobu 21:4

Kumbi dinginiku langu, ndidinginikiya munthu? Chifukwa nchine na ndireke kuŵa wakurongoro?

Yona 4:9

Ndipo Chiuta wanguti kwaku Yona, “Kumbi uchita umampha kukalipa chifukwa cha mono?” Ndipo Yona wanguti, “Ndachita umampha kukalipa, chingana ndingafwa.”

Marko 14:24

Ndipo wanguŵanene, “Chenichi ndi ndopa zangu, za phanganu, zakudikiya pa ŵanandi.

Luka 11:8

Ndikuneniyani, chingana kuti watinge wayukenge ndi kumpaska cha, chifukwa cha kuŵa bwezi lake; kweni chifukwa cha chitatata chake wayukenge ndi kumpaska vyose vyo wakavuka.

Luka 18:5

kweni chifukwa choko chenichi chitindisuzga, ndichitaskenge, vinu pakuziyaziya mpaka umari chingandijenyeska.’ ”

Ŵeruzgi 14:16

Muwoli waku Samsoni wanguliriya Samsoni wanguti, “Iwe utinditinkha, kuti utindanja cha; wapereka ntharika ku ŵanthu ŵa charu changu, po ine ulivi kundinene cho ying'anamuwa.” Samsoni waguti kwaku yo, “Ehe, ada ndi ama ndilivi kuŵanene, kumbi ndineniyenge iwe?”

Ŵeruzgi 14:17

Wanguliya munthukazi paurongo pake mazuŵa ghankhonde ndi ghaŵi gha dghera; ndipo pa zuŵa la chinkhonde ndi chiŵi wangumunene, pakuti wangumugundizga ukongwa. Viyo munthukazi wanguŵanene ntharika yo ŵanthu ŵake.

Ŵeruzgi 16:15

Munthukazi wangunena ndi Samsoni, “Ungakamba uli, kuti ‘Nditukwanja,’ po mtima wako kuti we ndi ine cha? Wandilengeska kwa nyengo izi zitatu sono, ndipo kuti wandinene mo nthazi yako yikuru yikugona cha.”

Ŵeruzgi 16:17

Viyo wangumunene ghose gha mu mtima wake, wanguti kwaku Delila, “Iwembe lilivi kukapo pa mutu wangu; pakuti ndaŵa muNaziri kwaku Chiuta kwamba ku chibali cha ama. Asani ndingameteka po ndipo nthazi yangu yikandisiyanga, ndipo ndikaŵanga wakutomboloka, ndi kuŵa uli ndimo walili munthu we yose.”