Ŵeruzgi 14:17 - Tonga Bible 1986

¹⁷ Wanguliya munthukazi paurongo pake mazuŵa ghankhonde ndi ghaŵi gha dghera; ndipo pa zuŵa la chinkhonde ndi chiŵi wangumunene, pakuti wangumugundizga ukongwa. Viyo munthukazi wanguŵanene ntharika yo ŵanthu ŵake.

Ŵeruzgi 14:17 ပူးပေါင်းရင်းမြစ်များ

Chiyambo 3:6

Viyo penipo munthukazi wanguwona kuti muti wo wenga wamampha kurgha, ndi so kuti wenga wamanyanda mu maso, ndi kuti muti wenga wakukhumbikwa kupaska zeru, wanguto chipasi ndi wangurgha; ndipo wangupaskako so murumi wake, ndipo wangurgha.

Jobu 2:9

Viyo muwoli wake wanguti kwaku iyo, “Kumbi weche kungangamikiya pa urunji wako? Umunyozi Chiuta mwakuti ufwe.”

Nthanthi 7:21

Ndi kakambidu ka kuru kakuwoja watimuchichizga; ndi mazu ghake ghakufyafyaliska watimukakamizga.

Yeremiya 9:3

Ŵapinda malilime ghawu uli ndi uta; mu charu mwazara ndi kupusika, uneneska cha, pakuti ŵarutiriya kutuwa pa uheni kuya pa uheni, ndipo kuti ŵatindiziŵa cha ine, atiti Ambuya.

Mika 7:5

Mungagomezganga muzengezgani winu cha, mungagomezganga mubwezi cha; rondani makhomo gha mlomo winu nanga nkhu muwoli wako yo wagona mu chifuŵa chako;

Luka 11:8

Ndikuneniyani, chingana kuti watinge wayukenge ndi kumpaska cha, chifukwa cha kuŵa bwezi lake; kweni chifukwa cha chitatata chake wayukenge ndi kumpaska vyose vyo wakavuka.

Ŵeruzgi 14:16

Muwoli waku Samsoni wanguliriya Samsoni wanguti, “Iwe utinditinkha, kuti utindanja cha; wapereka ntharika ku ŵanthu ŵa charu changu, po ine ulivi kundinene cho ying'anamuwa.” Samsoni waguti kwaku yo, “Ehe, ada ndi ama ndilivi kuŵanene, kumbi ndineniyenge iwe?”

Ŵeruzgi 14:18

Ndipo pa zuŵa la chinkhonde ndi chiŵi lumwi lenga lindasere ŵanthu ŵamu msumba wo ŵanguti kwaku Samsoni, “Nchine cho chinowa kwakuruska uchi? Nchine cho nchanthazi kwakuruska nkharamu?” Ndipo iyo wanguti kwaku wo, “Asani mwengavi kulima ndi ng'ombe yangu yinthukazi mphanyi mwatondeka kubowozga ntharika yangu.”

Ŵeruzgi 16:13

Delila wangunena ndi Samsoni, “Weche kundilengeska mpaka sono, wandinene mautesi; undinene ungamangika uli.” Samsoni wanguti, “Asani ungaposa vingwe vinkhonde ndi viŵi vya sisi langu ndi mtatavu ndi kumangiska ndi phini, po ndipo ndikaŵanga wakutomboloka, ndi kuŵa uli ndimo walili munthurumi we yose.”

Ŵeruzgi 16:16

Ndipo po wanguti wamugundizga weniukongwa ndi mazu ghake zuŵa ndi zuŵa, ndi kumuchichizga, mtima waku Samsoni ungukaripa kwa nyifwa.

Ŵeruzgi 16:6

Ndipo Delila wangukamba ndi Samsoni, “Chondi undinene po pakugona nthazi yako yikuru, ndipo na ungumangika uli, kuti yumoza wakupunde.”