Ŵeruzgi 13:6 - Tonga Bible 1986

⁶ Sono munthukazi wanguzachinene mrumi wake, “Munthu waku Chiuta wanguza kwangu, ndipo kawonekeru kake kenga kawonekeru ka mungelo waku Chiuta, wakofya ukongwa, ndengavi kumufumba ko wangutuliya, ndipo wengavi kundinene zina lake;

Ŵeruzgi 13:6 ပူးပေါင်းရင်းမြစ်များ

Chiyambo 18:2

Wangulereska ndipo wanguwona ŵanthu ŵatatu ŵanguma paurongo pake. Wanguti waŵawona wanguchimbiya kutuwa pa khomo la hema lake kwachikumana nawo, ndipo wangukotamiya pasi,

Chiyambo 32:29

Sono Yakobe wangumufumba, “Undinene, nditukupempha, zina lako.” Kweni iyo wanguti, “Chifukwa chine ufumba zina langu?” Ndipo penipa wangumutumbika.

1 ŴaKaronga 17:18

Ndipo munthukazi wanguti kwaku Eliya, “Wenane ndi kafukwa uli, wa munthu waku Chiuta we? ukuza kunu kwaku ine kundikumbuska mphurupuru yangu, ndi kuchitiska nyifwa pa mwana wangu!”

1 ŴaKaronga 17:24

Ndipo munthukazi yo wanguti kwaku Eliya, “Sono ndiziŵa kuti ndiwe munthu waku Chiuta, ndi kuti mazu gha Ambuya mu mlomo wako nga uneneska.”

2 ŴaKaronga 4:16

Ndipo wanguti, “Pa nyengo nge ndi yeniyino, asani yakapo nyengo, ukakorezenga mwana munthurumi.” Iyo wanguti, “Ŵa munthu waku Chiuta we, reka kukamba utesi ku mteŵeti wako munthukazi.”

2 ŴaKaronga 4:9

Ndipo munthukazi yuwa wanguti ku mrumi wake, “Ehe sono, ndiziŵa kuti uyu ndi munthu wakupaturika waku Chiuta, mweniyo kaŵikaŵi wadumuwa pano pidu.

Chituwa 3:2

Ndipo mungelo wa Ambuya wangumwoneke iyo mu mulipu wa moto kutuwa mu chivwati; wangulereska, ndipo ehe, chivwati chakolenga, kweni kuti chingufya cha.

Chituwa 3:6

Ndipo wanguti, “Ndine Chiuta wa ausu, Chiuta waku Abrahamu, Chiuta waku Yisaki, ndi Chiuta waku Yakobe.” Ndipo Mosese wangubisa chisku chake, pakuti wanguthenthema kulereska paku Chiuta.

Danyele 10:11

Wanguti kwaku ine, “Danyele, wa munthu wakwanjiwa ukongwa, vwiska mazu yagha ndikamba nawe, yima, chifukwa ndatumika kwaku iwe sono.” Ndipo wanguti wandikambiya mazu yagha, ndinguma wima wakopa.

Danyele 10:5

ndinguyunuska maso ghangu ndipo ndinguwona munthu wakuvwara bafuta, yo muchiwunu chake wanguvwara golide wa Ufaza.

Danyele 8:17

Viyo wanguza kufupi ko ndinguma; ndipo wanguti waza, ndingutenthema ndi ndinguwa kavunama. Kweni wanguti kwaku ine, “Ziŵa, wamwana wa munthu, kuti chiwona chikamba ndi nyengo ya umari.”

Luka 1:19

Ndipo pakwamuka mungelo wanguti kwaku iyo, “Ine ndine Gabriele, wakuma pa maso paku Chiuta; ndipo ndingutumikiya kukukambiya, ndi kukutauliya ghakunozga yagha.

Luka 9:29

Ndipo kunguŵa pa warombanga iyo, kaŵiru ka chisku chake kangusanduka, ndipo chivwaru chake chinguŵa chituŵa chakugadima.

Machitidu gha Ŵakutumika 6:15

Ndipo wose ŵakuteka mu upu wo, pakumudodoliska, ŵanguthoŵa chisku chake ulaka ndi chisku cha mungelo.

Marangu 33:1

Ili ndilo thumbiku lo Mosese munthu waku Chiuta wangutumbika ŵana ŵaku Yisraele wenga wandafwe.

1 Timote 6:11

Kweni iwe, wa munthu waku Chiuta, thaŵa vyenivi, ndipo rondo urunji, uwopa Chiuta, chivwanu, chanju, unkhunthiya, upovu.

Yoswa 14:6

Sono ŵanthu ŵaku Yuda ŵanguza kwaku Yoswa pa Gilgala; ndipo Kalebe mwana waku Yefuni mu Kenizi wangunena nayo, “Iwe uziŵa cho Ambuya angurongoro ndi Mosese munthu waku Chiuta pa Kadeshe-barnea paku iwe ndi ine.

Chivumbuzi 1:17

Ndipo ndichimwona, ndinguwa pa marundi ghake nge ngwakufwa. Ndipo wanguŵika pangu janja lake lamarghe, wakuti, “Ungopanga: Ine Ndine Wakudanga ndi Wakumariya,

Ŵeruzgi 13:10

Munthukazi wanguchimbiya kwakutinthimika kwachinene mrumi wake, “Ehe, munthu yuwa wanguza kwangu zuŵa lo wawonekaso.”

Ŵeruzgi 13:22

Ndipo Manowa wangunena ndi muwoli wake, “Kwakuneneska tikafwanga pakuti tawona Chiuta.”

Ŵeruzgi 13:3

Ndipo mungelo wa Ambuya wanguwoneka ku munthukazi wanguti kwaku yo, “Ehe, we chumba ndipo ulivi ŵana, kweni ukaŵanga ndi nthumbo, ukapapanga mwana munthurumi.

Ŵeruzgi 13:7

kweni wangunena nane, kuti, ‘Ehe, ukaŵanga ndi nthumbo ndi upapenge mwana munthurumi, chifukwa cho ungamwanga vinyo pamwenga chakumwa chakuloŵereska cha, ndipo ungarghanga ke kose ka munguzgu cha, pakuti munyamata yo wakaŵanga muNaziri kwaku Chiuta kwamba pa kawi mpaka ku nyifwa yake.’ ”

Ŵeruzgi 13:8

Sono Manowa wanguŵeyere ku Ambuya, wanguti, “Ambuya, mwe, nditukurombani, zomerezgani munthu waku Chiuta yo mungutuma wazi so kwaku ifwe, wazitisambizge mo tazamuchitiya ndi mwana yo wakapapikanga.”

Ŵeruzgi 6:11

Sono mungelo wa Ambuya wanguza ndi wanguja musina mu chimuti cha mkundi pa Ofra, cho chenga chaku Joashi mu Abiezeri penipo mwana wake Gideoni wapwanthanga trigu pa mbuli, kubisa trigu ku ŵaMidiyani.

1 Samuele 2:27

Ndipo kwaku Eli kunguza munthu waku Chiuta, yo wangunena nayo kuti, “Viyo atiti Ambuya, ‘Ndingujivumbuwa ndija ku nyumba ya auskemwe po ŵenga mu Egipiti mu uŵanda ku nyumba yaku Farao.

1 Samuele 9:6

Mteŵeti wake wanguti kwaku iyo, “Awona mu msumba uwu mwe munthu, ruta kweniko; panyake wangutinene ndi za lwendo lidu ili tenalo.”