Ŵeruzgi 13:24 - Tonga Bible 1986

²⁴ Ndipo munthukazi wangupapa mwana munthurumi, wangumudana zina lake Samsoni; mhurwa yo wangukuwa, ndipo Ambuya angumutumbika.

Ŵeruzgi 13:24 ပူးပေါင်းရင်းမြစ်များ

Luka 1:80

Ndipo ko kana kakuwanga, ndi kadimbanga mu mzimu; ndipo kaŵanga mu mabozwa mpaka zuŵa la chirongoleka chake kwaku Yisraele.

Luka 2:52

Ndipo Yesu wakuwanga mu zeru ndi mu msinkhu, ndi mu wezi kwaku Chiuta ndi ŵanthu.

ŴaHebere 11:32

Chifukwa nyengo yindipereŵiyenge kukonkhoma vyaku Gideoni ndi Baraki, ndi Samsoni, ndi Jefta, ndi Davidi ndi Samuele ndi ŵamchimi wo.

1 Samuele 2:21

Ambuya angukumbuka Hana wanguŵa ndi nthumbo ndipo wangupapa ŵana ŵanthurumi ŵatatu, ŵanthukazi ŵaŵi. Ndipo mhurwa Samuele wakuwanga pa maso gha Ambuya.

1 Samuele 2:26

Mhurwa Samuele wangurutiriya kukuwa mu umampha wakurumbika ndi Ambuya ndipo so ndi ŵanthu.

1 Samuele 3:19

Ndipo Samuele wangukuwa, Ambuya ŵenga nayo ndipo kuti anguzomerezga cha kuti mazu ghawo ghareke kufiskika.