Ŵeruzgi 13:20 - Tonga Bible 1986

²⁰ Ndipo po mlipu ungukwera kurata kuchanya kutuwa pa jochero, mungelo wa Ambuya wangukwera mu mlipu wa jochero Manowa ndi muwoli wake ŵachilereska; ndipo ŵanguwa pasi kavunama.

Ŵeruzgi 13:20 ပူးပေါင်းရင်းမြစ်များ

Chiyambo 17:3

Sono Abramu wanguwa pasi kavunama; ndipo Chiuta wanguti kwaku iyo,

2 ŴaKaronga 2:11

Ndipo wachirutiriya ndi kurongoro, ehe, gareta la moto ndi ŵakavalo ŵa moto vinu ŵapatuwa yaŵa ŵaŵi ndipo Eliya wangurata kuchanya ndi kavuruvuru.

1 Mikoka 21:16

Davidi wanguyunuska maso ghake ndi wanguwona mungelo wa Ambuya wakuma pakati pa charu ndi machanya we ndi lipanga lakuwewepuka pachanya pa Yerusalemu, Viyo Davidi ndi ŵaraŵara ŵaku Yisraele ŵakuvwara vigudulu ŵanguwa kavunama.

1 Mikoka 21:21

Po Davidi wanguza kwaku Ornani, Ornani wangulereska ndi wanguwona Davidi, wangutuwa mu mbuli ndi wangumulambiya Davidi pakusindama chisku chake pasi.

1 Mikoka 21:26

Ndipo Davidi wanguŵazenge jochero penipa Ambuya, ndi wangupereka sembe zakocha, ndi sembe za chimangu, ndi kudana pa zina la Ambuya ndi angumwamuka ndi moto kutuwa kuchanya kusikiya pa jochero la sembe yakocha.

Sumu 47:5

Chiuta wakwere ndi kukambura, Ambuya ndi chizozu cha mbata.

Ezekiele 1:26

Ndipo pachanya pa mtambo wapa mitu yawo penga chikozgu cha chitengo, cha kawonekedu ulaka ndi mwa wa satire; ndipo wakuja pachanya pa chikozgu cha chitengo cho wangukozgana ulaka ndi munthu.

Ezekiele 1:28

Nge nkhawonekero ka chiŵinga-vuwa mu mtambo pa zuŵa la vuwa, ndimo ukweru wakuzunguliya pa unguwoneke. Agha ndigho ghenga mawonekero gha chikozgu cha unkhankhu wa Ambuya. Po ndinguchiwona ichi, ndinguwa kavunama, ndipo ndinguvwa mazu gha yumoza kurongoro.

Danyele 10:9

Viyo ndinguvwa kayowozi ka mazu ghake, ndipo ndinguti ndavwa kayowozi ka mazu ghake ndinguwa pasi kavunama, ndingukoreka ndi tulo tuzitu.

ŴaLevi 9:24

Ndipo moto unguburika kutuwa paurongo pa Ambuya ungocha mpasku wakocha ndi mafuta gho ghenga pa jochero; ndipo penipo ŵanthu wose ŵanguwuwona, ŵangukambura, ndi ŵanguwa pasi kavunama.

Mateyu 17:6

Ndipo ŵanguti ŵavwa ŵasambizi wo ŵanguwa kavunama, ndipo ŵangopa ukongwa.

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

Ŵeruzgi 6:19

Viyo Gideoni wangwachisere mu nyumba yake wangurongoso kana kambuzi ndi viŵande vyambura mtupu vya ufwa; nyama wanguŵika mu chise, mafuta wanguŵika mu chiŵiya, wanguza navyo kwaku iyo pasina pa chimuti cha mkundi ndipo wangumpaska.

Ŵeruzgi 6:21

Sono mungelo wa Ambuya wangukwaska ndi songo ya ndodo yo yenga mu janja lake, wangujoko nyama ndi viŵande vya ufwa wambura mtupu; ndipo moto ungulipuka kutuwa mu jarawi lo ndi ungunyekeska nyama ndi viŵande vya ufwa wambura mtupu, ndipo mungelo wa Ambuya wangutuwako ku maso ghake.