Ŵeruzgi 11:26 - Tonga Bible 1986

²⁶ Wachija Yisraele mu Heshiboni ndi mizi yake, ndimu Aroere ndi mizi yake, ndi mu misumba yose yo ye mumphepete mwa Arnoni, virimika machumi pe chumi ghatatu (300) chifukwa chine wengavi kuvironda so mu nyengo yeniyiya?

Ŵeruzgi 11:26 ပူးပေါင်းရင်းမြစ်များ

Yeremiya 48:19

Ume pa nthowa uwone, iwe wakuja mu Aroere! Umufumbe munthurumi yo wathaŵa ndi munthukazi yo wapozomoka; kuti, ‘Kwawanji?’

Machitidu gha Ŵakutumika 13:19

Ndipo wanguti wapopeska mitundu yinkhonde ndi yiŵi mu charu cha Kanani, wanguŵapaska charu chaku wo nge nchihara, akhumba ku nyengo ya virimika machumi pe chumi ghanayi ndi machumi ghankhonde;

Marangu 2:24

‘Sokani ulendo winu, mujamphe chidika cha Arnoni, mu manja ghako ndapereka Sihoni muAmori, fumu yaku Heshiboni ndi charu chake. Yambani kuchihara chiŵenge chinu ndi kurwa nkhondo.

Marangu 2:36

Kuturiya ku Aroere mu mphepete mu chidika cha Arnoni ndi kutuwa ku muzi wo wenga mu chidika mpaka ku Gileada, pengavi msumba umoza wo ungutitonda, Ambuya Chiuta widu wangupereka yose kwaku ifwe.

Marangu 3:2

Kweni Ambuya anguti kwaku ine, ‘Mureke kumopa, pakuti ndimuperekenge iyo ndi ŵanthu ŵake wose ndi charu chake, mu janja lako, ndipo uchite kwakulingana nge ndimo unguchitiya ndi Sihono fumu ya ŵaAmori, yo yajanga ku Heshiboni.’

Marangu 3:6

Ndipo tinguŵaparghang'a ukongwa, nge ndimo tinguchitiya ndi Sihoni, fumu yaku Hesiboni, kuparghang'a ukongwa limu ŵanthurumi, ŵanthukazi, ndi ŵana ŵamu msumba wose.

Yoswa 11:18

Yoswa wanguchita nkhondo ndi ŵakaronga ŵa, kwanyengo yitali.

Yoswa 12:2

Sihoni karonga wa Amoni wo ŵajanga mu Heshiboni, ndipo wanguwusa kutuwa ku Aroere yo we mumphepete mwa dambo la Arnoni, ndi kutuwa pakati pa dambo mpaka ku msinji wa Yaboko, mphaka ya Amoni ndiku kuti lwandi la charu cha Gileada,

Yoswa 12:5

wanguwusa pa phiri Hermoni ndi Saleka ndi Bashani yose ku mphaka ya ŵaGeshuru ndi ŵaMakata, kujumpha ndi lwandi la Gileada kufika ku mphaka yaku Sihoni karonga wa Heshiboni.

Yoswa 13:10

ndi mizi yose yaku Sihoni karonga wa Amori, yo wausanga mu Heshiboni, kwachifika ku mphaka ya ŵina Amoni,

Yoswa 13:16

Viyo chigaŵa chawo chingutuwa ku Aroere wo ŵemu mphepete mwa dambo la Arnoni, ndi msumba wo we pakatikati pa dambo, ndi chidika chose chaku Medeba;

Yoswa 13:17

pamoza ndi Heshiboni, ndi misumba yake yose yo yemu chidika; Diboni ndi Bamote-bala, ndi Betebala-meoni,

Yoswa 23:1

Pavuli pa nyengo yitali, penipo Ambuya angupaska chipumulu kwaku Yisraele ku ŵarwani wose ŵakuŵazunguliya, Yoswa wangukota wakuŵa ndi virimika vinandi;

Ŵeruzgi 10:8

wanguŵapweteka ndikuŵayuzga ŵaYisraele chirimika chiya. Kwa virimika chumi pachanya nkhonde ndi vitatu (18) wanguyuzga ŵaYisraele wo ŵenga ku sirgha la Yordane mu charu cha Amori, cho chemu Gileada.

Ŵeruzgi 3:11

Viyo charu chingupumuwa virimika machumi ghanayi. Pavuli Otniele mwana waku Kenazi wangufwa.

Ŵeruzgi 3:30

Viyo Moabu wangupundika zuŵa liya ndi janja laku Yisraele. Ndipo charu chingupumuwa kwavirimika machumi ghankhonde ndi ghatatu (80).

Ŵeruzgi 5:31

“Viyo ndimu ŵamariya ŵakupindikana ŵinu, Ambuya mwe! Kweni mabwezi ghinu ghaŵe nge ndi lumwi lichituwa ndi nthazi yake.” Ndipo charu chingupumuwa virimika machumi ghanayi.

Ŵeruzgi 8:28

Viyo Midiyani wanguthereskeka ndi ŵaYisraele, ndipo kuti ŵanguwerezgapo matukutuku so cha. Ndipo charu chingupumuwa virimika machumi ghanayi (40) mu mazuŵa ghaku Gideoni.

Ŵeruzgi 9:22

Abimeleke wanguwusa Yisraele virimika vitatu.