Ŵeruzgi 11:10 - Tonga Bible 1986

¹⁰ Ŵaraŵara ŵamu Gileada ŵanguti kwaku Jefta, “Ambuya akaŵanga kaboni pakati pidu; tikachitanga nge ndimo ukambiya.”

Ŵeruzgi 11:10 ပူးပေါင်းရင်းမြစ်များ

Chiyambo 16:5

Ndipo Sarai wanguti kwaku Abramu, “Ubudi weniwo wachitikiya paku ine uŵe paku! Ndingukupaska muŵanda munthukazi wangu mu chifukwa chako, kweni wanguti wawona kuti wazuwuka, wangundilereska ndi myuyu. Ambuya ŵeruzge pakati paku iwe ndi ine!”

Chiyambo 21:23

iku sono urimbiri kwaku ine pano mwaku Chiuta kuti ukandipusikanga cha pamwenga mwana wangu pamwenga mzuku wangu, kweni ulaka ndimo ndakuchitiya iwe ulemu, ndimo uchitiyenge ndi ine ndi charu mwenimo wayendayenda.”

Chiyambo 31:50

Asani wamusuzga ŵana ŵangu, pamwenga wamutoliyapo ŵanthukazi ŵanyake pa ŵana ŵangu, chingana palivi munthu pamoza nafwe, kumbuka, Chiuta ndi kaboni pakati pako ndi ine.”

Chiyambo 31:53

Chiuta waku Abrahamu ndi Chiuta waku Nahoro, Chiuta wa auskeu, weruzge pakati pidu.” Viyo Yakobe wangurapiya pa Chopu cha wiske Yisaki,

Chituwa 20:7

“Ungazumbuwanga sina la Ambuya Chiuta wako kwa ŵaka cha; pakuti Ambuya kuti akamurekanga wambura kalema cha yo wazumbuwa ŵaka zina la wo.

Yeremiya 29:23

Chifukwa ŵachita chakupusa mu Yisraele, ŵachita ureŵi ndi ŵawoli ŵa ŵanasi ŵawo, ndipo ŵarongoro mu zina langu mazu gha utesi gho ndengavi kuŵalanguliya. Ine ndine ndiziŵa, ndipo nde kaboni, atiti Ambuya.’ ”

Yeremiya 42:5

Sono iwo ŵanguti kwaku Yeremiya, “Ambuya aŵe kaboni mumeneska ndi wamagomekezgeka paku ifwe asani tirekenge kuchita kwakuyana ndi mazu ghose gho Ambuya Chiuta wako watukutuma kwaku ifwe.

Mika 1:2

Vwani imwe mwa ŵanthu mose; tegherezga wa charu ndi vyose vyo vye mwenimo; rekani Ambuya Chiuta waŵenge kaboni wakususka imwe, Ambuya mu kasopi wawo wakupaturika.

Zekariya 5:4

Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

ŴaRoma 1:9

Chifukwa Chiuta ndi kaboni wangu, mweniyo ndimteŵete mu mzimu wangu mu evangeli wa Mwana wake, kuti kwambura kulekezga ndizumbuliya imwe mu marombo ghangu,

2 ŴaKorinte 11:31

Chiuta ndi Wiske wa Mbuya Yesu, mweniyo ngwakutumbikika muyaya, waziŵa kuti ndirive kuteta.

Marangu 1:16

Ndipo ndingulanguliya ŵeruzgi pa nyengo yiya kuti, ‘Vwani mirandu ya ŵabali ŵinu, ndi yeruzgani kwakurunjika pakati pa munthu ndi mbali wake pamwenga ndi mlendo yo we nayo.

Ŵeruzgi 11:9

Jefta wanguti, “Asani mukandiwezgiyanga so kwidu kuzachirwa ndi Amoni, ndi kuti Ambuya aŵapereka kwaku ine, ine ndikaŵanga mutu winu.”

1 Samuele 12:5

Ndipo wanguŵamuka, “Ambuya ndi kaboni paku imwe, wakupakika wake ndi kaboni pa zuŵa linu, kuti imwe mulivi kusaniya kaheni mu janja langu.” Ŵanthu ŵanguti, “Mba kaboni.”

1 Samuele 24:12

Ambuya ŵeruzge pakati paku ine ndi imwe, Ambuya ndiwo awezge thayu paku imwe kweni janja langu kuti limikanenge namwe cha.