Ŵeruzgi 10:9 - Tonga Bible 1986

⁹ Ndipo Amoni wangwambuka Yordane kwachirwa so ndi Yuda, ndi Benjamini, ndi kumikana ndi nyumba yaku Efraimu; viyo kuti Yisraele wanguyuzgika kwakuŵaŵa.

Ŵeruzgi 10:9 ပူးပေါင်းရင်းမြစ်များ

2 Mikoka 14:9

Ndipo kunguza Zera waku Etiopia ndi ŵanthu vikwi machumi pe chumi kwazirwa nkhondo (1,000,000), ndi magareta machumi pe chumi ghatatu (300), ŵangufika ku Meresha.

2 Mikoka 15:5

Mu nyengo yiya kwengavi chimangu kwaku yo watuwanga ndi kwaku yo waserenga, kweni utimbanizi ukuru unguwiya wose wo ŵajanga mu charu.

Marangu 28:65

Ndipo mukati mu mitundu iyi kuti mukasaniyanga uyuyu cha, ndipo kuti mwazamupumuwa cha, kweni Ambuya akamupaskaninga muwa mtima wakumbwambwantha ndi maso gha ndandi ndi umoyo wakusuzgika.

Ŵeruzgi 10:10

Ndipo ŵaYisraele ŵangubongole ku Ambuya, ŵanguti, “Talakwiya imwe, chifukwa tareka Chiuta widu tatataliya ŵaBala.”

Ŵeruzgi 10:8

wanguŵapweteka ndikuŵayuzga ŵaYisraele chirimika chiya. Kwa virimika chumi pachanya nkhonde ndi vitatu (18) wanguyuzga ŵaYisraele wo ŵenga ku sirgha la Yordane mu charu cha Amori, cho chemu Gileada.

Ŵeruzgi 11:4

Nyengo yinguti yarutapo ŵina Amoni ŵanguchita nkhondo paku Yisraele.

Ŵeruzgi 2:15

Penipo pose ŵangwenda janja la Ambuya lingumikana nawo kuŵachitiya uheni, nge ndimo Ambuya anguŵachenjezge, ndipo uli ndimo Ambuya angurapiya kwaku wo; ndipo ŵenga mu kuŵaŵa kwakufinyirizgika.

Ŵeruzgi 6:2

Ndipo janja laku Midiyani linguŵa la nthazi pa ŵaYisraele ndipo chifukwa cha ŵaMidiyani, ŵaYisraele ŵangujichitiya mazenje gho ghemu mapiri, ndi zimphanji ndi malinga.

1 Samuele 13:6

ŴaYisraele ŵanguti ŵawona kuti ŵafinyikizgika pakuti ŵangunyekezgeka ukongwa, ŵangubisama mu zimphanji, mu majarawi, mu masano, ndi mu zingarande,

1 Samuele 28:15

Ndipo Samuele wangunena ndi Sauli, “Chifukwa nchine wandisuzga pakundikwezge kuno?” Wangwamuka, “Ndaŵa musuzgu yikuru pakuti ŵaFilisti ŵarwana nane nkhondo, ndipo Chiuta watuwako kwangu kuti watindamuka so cha, chingana ndi mu ŵamchimi pamwenga mu maloto; chifukwa ichi ndamudanani kuti mundinene cho nditenere kuchita.”