Ŵeruzgi 10:6 - Tonga Bible 1986

⁶ Ndipo ŵaYisraele ŵanguwerezgapo kuchita uheni mu maso gha Ambuya, ŵangutataliya ŵaBala, ndi Ashitaroto, ŵachiuta ŵa Siriya, ŵachiuta ŵa Sidoni, ŵachiuta ŵa Moabu, ŵachiuta ŵa Amori, ndi ŵachiuta ŵa ŵaFilisti; ndipo ŵangujowo Ambuya, ndi kureka kuŵatataliya.

Ŵeruzgi 10:6 ပူးပေါင်းရင်းမြစ်များ

1 ŴaKaronga 11:33

chifukwa chakuti wandijowo ine, wasopa Ashetaroto munthukazi wa ŵaSidoni, Kemoshi chiuta wa ŵaMoabu, ndi Milkomu chiuta wa ŵaAmoni, ndipo walivi kwenda mu nthowa zangu, kuchita chenicho nchakurunjika mu maso ghangu, kusunga marangu ghangu ndi vyeruzgu vyangu, nge ndimo wanguchitiya Davidi awiske.

1 ŴaKaronga 11:5

Chifukwa Solomoni wangurondo Ashitaroti chiuta munthukazi wa ŵaSidoni, ndi Milikomu ukazuzi wa ŵina Amoni.

1 ŴaKaronga 11:7

Solomoni wanguzenge Kemoshi ukazuzi waku Moabu malo gha pachanya, ndi Moleki ukazuzi wa ŵina Amoni pa phiri kuvuma kwa Yerusalemu.

1 ŴaKaronga 16:31

Ndipo kanguŵa nge nkhanthu kayuyu kwaku iyo kwenda mu mphurupuru zaku Yeroboamu mwana waku Nebati wangujitole kuŵa muwoli Yezebelu mwana waku Etbala karonga wa ŵaSidoni, ndipo, wanguteŵete Bala, ndi kumsopa.

2 ŴaKaronga 17:16

Kweni iwo ŵangujowo marangu ghose gha Ambuya Chiuta wawo, ŵangujichitiya vikozgu vyakwenguwa vya ng'ombe ziŵi, ŵangujichitiya Ashera, ndipo ŵangusopa maliŵanja ghose kuchanya, ndipo wangutataliya Bala.

2 ŴaKaronga 23:13

Karonga wangupasuwa malo gha pachanya gho ghenga ku vuma kwa Yerusalemu, ku malaŵi kwa Yerusalemu, ku malaŵi kwa phiri la ukazuzi, ghenigho Solomoni karonga waku Yuda wanguzenge Ashatoreti ukazuzi wa ŵina Sidoni, wanguzenge Kemochi ukazuzi wa ŵaMoabu, ndi wanguzenge Milkomu ukazuzi wa ŵaAmoni.

2 Mikoka 28:23

Pakuti wangupereka sembe ku ŵachiuta ŵaku Damasko wo ŵangumuthereska, ndi wanguti, “Chifukwa chakuti ŵachiuta ŵa ŵakaronga ŵaku Siriya ŵanguwovya, nkhaperekanga sembe kwaku wo mwakuti ŵandovye ine.” Kweni ŵanguŵa phasulu kwaku iyo ndi kwaku Yisraele yose.

Sumu 106:36

Ŵanthu ŵaku Chiuta ŵangusopa ŵangoza, ndipo ichi chinguŵatore pharghaniko,

Yesaya 23:4

Uŵi ndi soni, Sidoni we, pakuti nyanja yakamba, linga la nyanja, lititi: “Ndilivi kuvwapo urwirwi chingana nkhupapa, ndilivi chingana nkhulerapo ŵana ŵahurwa pamwenga kukuzga ŵamwali.”

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

Yeremiya 32:23

ndipo ŵangusere ndi kuchihara. Kweni kuti ŵanguvwiya mazu ghinu cha chingana nkhwenda mudangu linu, ŵangukana kuchita vyo munguŵalanguliya kuchita. Chifukwa cho imwe mwaŵafikiskiya viheni ivi vyose.

Ezekiele 27:16

Edomu wanguchita nawe maronda chifukwa cha vyamampha vyako vinandi; wangugulana nawe mya yakuzirwa, vyakufyuŵara, vya maŵanga-maŵanga bafuta wakutowa, malikorombe, ndimya yiyera yakuzirwa.

Marangu 13:6

“Asani mbali wako, mwana wa anyoko, pamwenga wako munthurumi, pamwenga mwana wako munthukazi, pamwenga muwoli wako wapa mtima pamwenga mubwezi wako yo wenge mbumoyo wako, watukulandizga ku ubendi, kuti ‘Tiyeni tirutenge kwachiteŵete ŵachiuta ŵanyake,’ ŵeniwo imwe chingana mbauskemwe ŵalivi kuŵaziŵa kale,

Marangu 13:8

mungamuzomerezganga pamwenga kumuvwiya cha. Chingana ndi jiso linu lingamufwiya lisungu cha. Pamwenga kumureka pamwenga kumubisa;

Marangu 31:16

Ndipo Ambuya anguti kwaku Mosese, “Ehe, we pafupi kura pamoza ndi ausu, sono yaŵa ŵanthu ŵakayukanga ndi kurondo ŵachiuta ŵalendo ŵa charu ichi, kweniko ŵakarutanga kwachiŵa mukati mwawo. Wakandisiyanga ine, ndi kuswa phanganu langu lo ndingupangana nawo.

Marangu 31:17

Sono ndazamukaripiya wo mu zuŵa lenilo, ndipo ndikaŵasiyanga ndikubisa chisku changu kwaku wo, ndipo ŵakaphwanyikanga, ndipo viheni vinandi ndi masuzgu vikazanga paku wo viyo ŵakakambanga mu zuŵa lo, ‘Ivi viheni pakutiziya ifwe, asi nchifukwa chakuti Chiuta widu mulivi mukati mwidu?’

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Yoswa 13:31

ndi lwandi la Gileada, ndi Ashitaroto, ndi Edrei, misumba ya ufumu waku Ogi mu Bashani; iyi yingugaŵikiya ku ŵina Makiri mwana waku Manase nusu la ŵina Makiri kwakuyana ndi mbumba zawo.

Ŵeruzgi 10:5

Ndipo Yairo wangufwa, wanguŵikika mu Kamono.

Ŵeruzgi 11:24

Kumbi iwe kuti ukaharanga cho chiuta wako Kamoshi watukupaska ku hara cha? Ndikuti chose cho Ambuya Chiuta widu wakwamphuwa paurongo pidu ifwe nafwe tikachiharanga.

Ŵeruzgi 13:1

ŴaYisraele ŵanguwerezgapo kuchita uheni mu maso gha Ambuya; ndipo Ambuya anguŵapereka mu janja la ŵaFilisti kwa virimika machumi ghanayi (40).

Ŵeruzgi 16:23

Sono mafumu gha ŵaFilisti ghanguwungana pamoza kupereka mpasku ukuru kwaku Dagoni chiuta wawo, ndi kukondwere, pakuti ŵatinge, “Chiuta widu wapereka Samsoni wakupindikana widu mu janja lidu.”

Ŵeruzgi 3:7

Ndipo ŵaYisraele ŵanguchita uheni mu maso gha Ambuya, ŵanguruwa Ambuya Chiuta wawo, ndi kutataliya ŵaBala ndi Ashera.

Ŵeruzgi 4:1

Wati wafwa Ehudi ŵaYisraele ŵanguwerezgapo kuchita cho chenga chiheni mu maso gha Ambuya.

Ŵeruzgi 6:1

ŴaYisraele ŵanguchita cho nchiheni mu maso gha Ambuya; ndipo Ambuya anguŵapereka mu janja laku Midiyani virimika vinkhonde ndi viŵi.

Ŵeruzgi 8:33

Wati wafwa Gideoni, ŵaYisraele ŵangung'anamuka so ŵanguchita uheni wakundondoloska ŵaBala, ndipo ŵanguchita Bala-beriti kuŵa chiuta wawo.

1 Samuele 5:2

sono ŵaFilisti ŵanguto bokosi laku Chiuta ndi kuliŵika mu nyumba yaku Dagoni ŵangulimika pafupi ndi Dagoni.