Ŵeruzgi 10:13 - Tonga Bible 1986

¹³ Kweni imwe mwandijowo ndi kutataliya ŵachiuta ŵanyake; chifukwa cho kuti ndikamupozomoskaninga so cha.

Ŵeruzgi 10:13 ပူးပေါင်းရင်းမြစ်များ

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

2 Mikoka 12:5

Shemaya mchimi wanguza kwaku Rehoboamu ndi ku ŵana ŵa karonga ŵaku Yuda wo ŵanguwungana ku Yerusalemu chifukwa chaku Sheshaki, ndi wanguti kwaku wo, “Ambuya atiti, ‘Mwandijowo ine, nane so ndamrekani mu janja laku Sheshaki.’ ”

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

2 Mikoka 21:10

Kweni ŵaEdomu ŵangugaruka mbwenu kuti ŵareke kuwa pasi paku Yuda mpaka kunu kule. Nyengo yo Libina nayo wangugaruka kutuwa mu muwusu wake, chifukwa iyo wangujo wo Ambuya Chiuta wa ŵambuyake.

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yona 2:8

Wo ŵaphwere vyangoza vya utesi, ŵataya kujithereska kwawo kwakuneneska.

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Ŵeruzgi 10:14

Rutani kabongoliyeni ku ŵachiuta wo mukusankha; iwo ndiwo ŵamupozomoskeni mu nyengo yinu ya suzgu.”

Ŵeruzgi 2:12

Ŵangujowo Ambuya, Chiuta wa auskeu, yo wanguŵatuzga mu charu cha Egipiti, ŵangundondoloska ŵachiuta ŵanyake, ŵamu ŵachiuta ŵa ŵanthu wo ŵajanga kwakuŵazunguliya ndipo ŵanguŵalambiya wo; ndipo ŵangusosomole Ambuya ku ukari.

Ŵeruzgi 2:19

Kweni penipo pose wangufwa mweruzgi yo, iwo ŵanguwere vuli, ŵangutimbanizga kujumpha pa auskeu kundondoloska ŵachiuta ŵanyake, kuŵatataliya, ndi kuŵalambiya; ŵengavi kutaya pasi nanga nchimoza cha vyakuchita vyawo pamwenga nthowa zawo zinonono.